पोखरा । बाल दिवस अवसरमा शक्ति समूहले पोखराका ५ विद्यालयमा ओयुआरको आर्थिक सहयोगमा सञ्चालित परियोजनामार्फत विद्यार्थीलाई शैक्षिक सामग्री सहयोग गरेको छ ।

तालवाराही र ज्ञानभूमि मावि, धर्मस्थली, सरस्वती र मसिना आधारभूत विद्यालयका २५ जना बालिकालाई झोला, पोशाक, स्बिटर, जुत्ता, मोजा, कापी, कलम, क्यालकुलेटर लगायत गरी १ वर्ष पुग्ने शैक्षिक सामग्री सहयोग गरिएको हो ।

कमजोर आर्थिक अवस्थाले बीचमै विद्यालय छोड्न सक्ने बालिकालाई पढाइमा निरन्तरता दिन सो सहयोग गरिएको शक्ति समूह गण्डकी संयोजक सरिता पौडेलले बताइन् ।

कार्यक्रममा आर्थिक अवस्था कमजोर भएका बालिकाहरुलाई पोखरा महानगरपालिका शिक्षा महाशाखाको समन्वय थियो । पोखरा महानगर शिक्षा महाशाखा प्रमुख हेमप्रसाद आचार्यले वितरण गरिएको सामग्रीबाट विद्यालय र विद्यार्थीले सही प्रयोग हुनेमा विश्वास व्यक्त गरे ।

शक्ति समूहकी कार्यकारी निर्देशक बालकुमारी दर्लामीले संस्थाका गतिविधिबारे बोल्दैउक्त सहयोगबाट पढाइमा निरन्तरता दिन थप टेवा पुग्ने विश्वास राखिन् । उनले आगामी दिनमा प्रत्येक विद्यालयमा २÷२ थान कम्प्युटरसमेत वितरण गरिने बताइन् ।