पोखरा । पोखरामा प्रथम राष्ट्रिय खुल्ला स्नुकर प्रतियोगिता–२०७९ हुने भएको छ । देविज स्नुकर क्लब आयोजनामा भदौ १२ देखि १९ सम्म डेभिज् स्नुकर क्लबमा सो प्रतियोगिता हुने भएको हो । प्रतियोगितामा कास्कीबाट करिब १ सय २८ जना सहभागी हुने आइतबार आयोजित पत्रकार सम्मेलनमा प्रतियोगिताका संयोजक शंकर गुरुङले जानकारी दिए । उनका अनुसार प्रतियोगितामा कास्की ४८ जनासहित काठमाडौं, भक्तपुर, ललितपुर, बुटवल, बागलुङ लगायतबाट करिब ८० खेलाडी सहभागी हुनेछन् । प्रतियोगिता नकआउट आधारमा खेलाइने छ ।
विजेतालाई १ लाख ५१ हजार, उपविजेतालाई ७१ हजार साथमा शिल्ड, मेडल र प्रमाणपत्र वितरण गरिने भएको संयोजक गुरुङले जनाए । सेमिफाइनलिष्ट (२ जना) लाई जनही १५ हजार साथमा शिल्ड, मेडल र प्रमाणपत्र वितरण गरिने छ । हाईयस्ट ब्रेकरले २१ हजार साथमा शिल्ड, मेडल र प्रमाणपत्र पाउने छन् ।
जिल्ला तथा राष्ट्रियस्तरबाटै विलियार्ड, स्नुकर खेलको विकासका साथै शारीरिकरुपमा तन्दुरुस्त, मानसिकरुपमा सचेत र सामूहिक भावनाले अभिवृद्घि गराउने उद्देश्यले उक्त प्रतियोगिता पोखरामा गर्न लागिएको कास्की जिल्ला विलियार्ड स्नुकर तथा पुल संघका अध्यक्ष सागर कुमार शाहीले बताए । पोखरा आधुनिक विलियार्ड, स्नुकर खेलस्थल व्यवस्थित, मर्मत सम्हार, निर्माण साथै खेल क्षेत्रको विकासलाई अगाडि बढाउन उक्त प्रतियोगिताले थप टेवा पुग्ने उनले विश्वास व्यक्त गरे । पोखरालाई खेलकुद पर्यटन सहरको रुपमा विकसित गराउन, नयाँ प्रतिभाशाली खेलाडीहरु उत्पादन गरी अझ यस जिल्ला र राष्ट्रमा विलियार्ड, स्नुकर खेलको रौनक बढाउन उक्त प्रतियोगिता गर्न लागिएको आयोजकले जनाएको छ ।
पोखरा ९ का वडाध्यक्ष दीपेन्द्र मर्सानीले आफ्नो वडामा हुने राष्ट्रियस्तरको कुनै पनि प्रतियोगितालाई भरपूर्ण रुपमा सहयोग गर्ने बताए । बुद्धमार्ग टोल सुधार समितिका अध्यक्ष एवं पृथ्वी राजमार्ग बस संचालक कम्पनीका पूर्व अध्यक्ष ऐनकुमार शाहीले आफ्नो टोलमा हुने उक्त प्रतियोगिताले टोलकै इज्जत र प्रतिष्ठानसँग जोडिएकोले प्रतियोगितालाई सफल पार्न आर्थिक भौतिक हरेक हिसाबले सहयोग गर्ने बताए । पोखरामा करिब ७० पुल क्लब भए पनि कास्की संघमा भने करिब १८ मात्र क्लब आवद्ध छन् ।
प्रतियोगितामा १८ लाख २८ हजार खर्च हुने तथा २१ लाख ५० हजार आम्दानी हुने लक्ष्य राखिएको अर्थ संकलन संयोजक प्रदीप रसाइलीले बताए । पोखरा क्षेत्रमा करिब १ सय ५० भन्दा बढी स्नुकर खेल्ने खेलाडी भए पनि ¥याङकिङमा पर्ने ३२ जना खेलाडीहरु रहेको संघका महासचिव सविन जिसीले बताए ।
Related News
सम्बन्धित समाचार
भलिबलमा अटल हिमाल
इन्द्रालाई लाइफटाइम अचिभमेन्ट अवार्ड
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
hero news full width
मुख्य समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१