पोखरा । लायन्स क्लब अफ पोखरा ब्युटी सिटीको आयोजना तथा लियो क्लब अफ पोखरा संगम र आइसिटी सहकारी संस्थाको समन्वयमा पोखरामा नेतृत्व विकास तालिम भएको छ ।

संस्थाका सदस्यको नेतृत्व तथा व्यत्तित्व विकास गर्ने उद्देश्यले आयोजित तालिमको नेपाल पत्रकार महासंघ कास्कीका उपाध्यक्ष जमुना वर्षा शर्माले सहजीकरण गरेकी थिइन् । सो अवसरमा लायन्स क्लब अन्तर्राष्ट्रिय डिष्ट्रिक ३२५ जे नेपालकी द्वितीय उपाध्यक्ष महिला उद्यमी मिलन थापाले हरेक क्षेत्रमा गर्विलो उपस्थितिका लागि नेतृत्व विकासको आवश्यकता महत्वपूर्ण हुँदै गएको बताइन् ।

ब्युटि सिटीकी अध्यक्ष सवि शेरचनले पछिल्लो समय महिला विभिन्न सामाजिक संघसंस्थाबाट अगाडि बढ्न चाहे पनि निर्धक्क भएर आफ्नो कुरा राख्न अझै पनि समस्या देखिएकाले नेतृत्व विकाससँगै बोल्ने कलासम्बन्धी आयोजना गरिएको बताइन् ।

कार्यक्रममा ब्युटी सिटीकी प्रथम उपाध्यक्ष एवं तालिम संयोजक दुर्गा मर्सानी, लियो क्लब अफ पोखरा संगमकी अध्यक्ष रोजिना श्रेष्ठ, क्यान अध्यक्ष विश्वास भण्डारी, रिजन चियरपर्सन शिला अधिकारी, जोन चेयरपर्सन महेश श्रेष्ठ, डिष्ट्रिक अफिसर मीना प्रधान, डिष्ट्रिक कोचिफ नवीना श्रेष्ठ, आइसिटि सहकारीका व्यवस्थापक मनमाया तामाङ लगायतले नेतृत्व विकासको तालिमबारे बोलेका थिए । तालिममा ३० जना सहभागिता थियो ।