पोखरा । संस्कृति, पर्यटन तथा नागरिक उड्डनमन्त्री जीवनराम श्रेष्ठले पोखरा अन्तर्राष्ट्रिय विमानस्थल तोकिएकै मितिमा संचालन हुने दाबी गरेका छन् । विमानस्थल आगामी अंग्रेजी नयाँ वर्षकै दिन संचालन गर्ने तयारीमा संशय कायम रहँदा मन्त्री श्रेष्ठले पोखरामा बुधबार पत्रकार भेटघाटमा सो दाबी गरेका हुन् ।
नागरिक उड्डयन प्राधिकरण (क्यान)ले ९८ प्रतिशत निर्माण पूरा भइसकेको विमानस्थलको आगामी सन् २०१३ जनवरी १ देखि संचालनमा ल्याउने केही दिनअघि निर्णय गरेको थियो । साथै विमानस्थल चीन सरकारका विदेश मन्त्री वाङ यीले बालुवाटारमा प्रधानमन्त्री शेरबहादुर देउवालाई चाबी दिएर केही महिनाअघि सांकेतिकरुपमा विमानस्थल हस्तान्तरण गरिसकेका छन् । तर विमानस्थल संचालन पूर्व रिठ्ठेपानी डाँडा कटान र ल्यान्डफिल साइट स्थानान्तरण गर्नु अनिवार्य हुन्छ ।
समाजवादी प्रेस संगठनले बुधबार आयोजना गरेको पत्रकार सम्मेलनमा बोल्दै पर्यटन मन्त्री श्रेष्ठले रिठ्ठेपानी डाँडा कटानलाई तत्काल अघि बढाउने निर्णय भएको र ल्यान्डफिल साइट व्यवस्थापनमा पोखरा महानगरले प्रतिवद्धता जनाएको बताए । उनले भने, ‘डाँडा कटानका लागि यथाशीघ्र प्रक्रिया अगाडि बढाउने निर्णय भइसकेको छ । रुख कटानको काम पनि भइरहेको छ । पोखरा महानगर प्रमुखले एयरपोर्ट सञ्चालनको लागि समयमा नै फोहोरमैला व्यवस्थापनको कामलाई अगाडि बढाउँछु भन्नुभएको छ ।’
चीन सरकारको २२ अर्ब सहुलियत ऋणमा करिब निर्माण पूरा भएको यो विमानस्थलमा क्यालिब्रेसन फ्लाइट आगामी असोज–कात्तिकमा हुने तयारी छ । मन्त्री श्रेष्ठले अन्तर्राष्ट्रिय उडानका लागि एयर रुट मिलाउने, अन्तर्राष्ट्रिय एयरलायन्स कम्पनीसँग समन्वय गर्ने कुरा सँगसँगै अघि बढ्ने जानकारी दिए ।
यसैबीच, पोखराको ब्रान्डरुपमा परिचित यहाँको साहसिक प्याराग्लाइडिङ विमानस्थल संचालनपछि पनि सकेसम्म जोगाउन प्रयत्न गरिने मन्त्री श्रेष्ठले आश्वासन दिए । अन्तर्राष्ट्रिय विमानस्थल सञ्चालनमा आएपछि हालको प्याराग्लाइडिङ विस्थापित हुनुपर्ने चिन्ताले यहाँका पर्यटन व्यवसायी चिन्तित छन् । मन्त्री श्रेष्ठले भने, ‘विमानको सुरक्षामा कुनै सम्झौता गर्नु हुँदैन । सुरक्षामा असर नपर्ने गरी प्याराग्लाइडिङ व्यवसाय कुनै उपाय हुँदासम्म कायम गर्नुपर्दछ भनेर लागिपरेका छौं ।’ नयाँ अन्तर्राष्ट्रिय विमानस्थल सञ्चालनपछि हालको विमानस्थलबारे के गर्ने भन्ने कुनै निर्णय नभएको उनले स्पष्ट पारे । तर सञ्चालनमा नभएका एयरपोर्टलाई वैकल्पिक व्यवस्थापन गर्ने, पर्यटनमा आधारित साहसिक खेलको रुपमा र पर्यटनमा आधारित रहेर विकास गर्ने नीतिगत निर्णय भने गरेको उनको भनाइ छ ।
यसैबीच, सातै प्रदेशमा १ वर्षभित्र नेपाल एकेडेमी अफ टुरिजम एन्ड होटल म्यानेजमेन्ट कलेज स्थापना गर्ने सरकारको योजना रहेको मन्त्री श्रेष्ठले बताए । सुरुआतमा गण्डकी, लुम्बिनी र मधेश प्रदेशमा सो कलेज स्थापनाको योजना रहेको उनले सुनाए ।
विमानस्थल आयोजना प्रमुख विनेश मुनंकर्मीले विमानस्थलको ९८ प्रतिशतका काम पूरा भएको जानकारी दिए । अब यहाँ रिठ्ठेपानी डाँडा कटान, ल्यान्डफिल साइट स्थानान्तरणसागै आर्मी ब्यारेक, आयल निगम डिपो निर्माण पनि हुन बाँकी छ । आयोजना प्रमुख मुनंकर्मीले पुस १७ अगावै विमानस्थलभित्रका आवश्यक सम्पूर्ण भौतिक संरचनाको काम पूरा हुने बताउँछन् । तर पोखरा महानगर पटक–पटक ल्यान्डफिल स्थानान्तरणमा तयारीमा रहे पनि ठोस निर्णय गर्न सकेको छैन । विमानस्थलभन्दा करिब २ किलोमिटर नजिकको ल्यान्डफिल साइटमा पोखराको दैनिक २ सय टन फोहोर पुग्ने गरेको छ । ल्यान्डफिलका कारण चराको बढी आवातजावतमा विमान चरासँग ठोक्किई सम्भावित दुर्घटना हुने भएकोले यो बाधक बन्न पुगेको हो । सन् २०१७ मा निर्माण सुरु भएको विमानस्थल कोरोनाका कारण समयसीमा पछि धकेलिएको हो ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१