पोखरा । पोखरा महानगरपालिकाले कृषकलाई २० लाख बराबरको अनुदान वितरण गरेको छ । मेयरमैत्री बाख्रापालन प्याकेज कार्यक्रमअन्तर्गत कृषक समूहलाई ५ लाख दरले २० लाख बराबरको अनुदान वितरण गरिएको हो ।
महानगर पशु सेवा शाखाद्वारा आयोजित बाख्रामेला प्रदर्शनी तथा अनुदान वितरण कार्यक्रममा मेयर धनराज आचार्यले सो अनुदान वितरण गरेका हुन् ।
अनुदान प्राप्त गर्नेमा आर्बाको मिलीजुली बाख्रापालन कृषक समूह, पोखरा १८ को सराङकोट बाख्रापालन समूह, पोखरा ३२ को लगनशील बाख्रापालन कृषक समूह र पोखरा ३१ को बेगनास बाख्रापालन समूह हुन् । अनुदानले ती समूहका १ सय बढी कृषक लाभान्वित हुने अपेक्षा छ । यसैगरी, मौजा हिल लाइभ स्टक फार्म, पोखरा २० का दुर्गाबहादुर गुरुङलाई ‘सर्वोत्कृष्ट वर्ष कृषक’ सहित सम्मान गरिएको छ । उनले विभिन्न स्थानलाई बाख्रापालनको पकेट क्षेत्रको रूपमा विकास गर्न तथा कृषकलाई प्रोत्साहन गर्ने कार्यमा उल्लेख्य योगदान दिएका छन् ।
महानगरका १७ उत्कृष्ट कृषि फार्मलाई पनि सो अवसरमा सम्मान गरियो । सम्मानित कृषकका प्रत्येक फार्ममा १ सय सय बढीको संख्यामा बाख्रा पालिएका छन् । मेयर आचार्यले आगामी ५ वर्षभित्र महानगरलाई कृषि तथा पशुजन्य उत्पादनहरू तरकारी, दूध, अण्डा, मासु तथा फलफूलमा आत्मनिर्भर बनाइने बताए । कृषलाई निर्वाहमुखी भन्दा व्यावसायीकरणमा जोड दिने बताए ।
कार्यक्रममा पोखरा १३ का वडाध्यक्ष किरण बराल, भेटेरिनरी अस्पताल तथा पशु सेवा विज्ञ केन्द्र कास्कीका प्रमुख शम्भुराज पाण्डे, कृषि विकास महाशाखाका प्रमुख मनोहर कोरिया, बाख्रापालन किसान समूह कास्कीका अध्यक्ष दुर्गाबहादुर गुरुङ, पशु सेवा शाखाका प्रमुख नवराज अधिकारी, नमुना प्रांगारिक कृषि सहकारी अध्यक्ष टेकनाथ बराल र किसान मीना गुरुङलगायत बोलेका थिए । कार्यक्रम मिलीजुली बाख्रापालन कृषक समूहका अध्यक्ष ऋषिराम पराजुलीको अध्यक्षतामा भएको हो ।
महानगरका ६७ कृषकले व्यावसायिक कृषक परिचयपत्र प्राप्त गरेका छन्् । वर्णशंकर र शुद्ध गरी पोखराका कृषकका फार्ममा ६७ हजार बढी बाख्रा पालिएका छन् ।
Related News
सम्बन्धित समाचार
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
पोखराको अमरसिंहको बिजुली पसलमा आगलागी, १ करोडको क्षति
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१