पोखरा । मदरल्यान्ड माविमा शिक्षक अभिभावकबीच शनिबार अन्तक्र्रिया भएको छ । कक्षा नर्सरीदेखि एलकेजीसम्मका विद्यार्थीका अभिभावकको सहभागितामा भएको अन्तक्र्रियामा बालबालिकाको उज्ज्वल भविष्य कसरी निर्माण गर्न सकिन्छ भन्नेबारेमा छलफल भएको थियो ।

विद्यालय प्रिन्सिपल नारायण बरालले बालबालिकालाई भविष्यमा राष्ट्रको योग्य नागरिक बनाउन शिक्षक, अभिभावक र विद्यालयको महत्वपूर्ण भूमिका हुने बताए । उनले विद्यालयले हरेक वर्ष शैक्षिक गुणस्तर कायम गर्दै विद्यार्थीको सर्वांगीण विकासमा अघि बढ्ने प्रतिबद्धता व्यक्त गरे ।

विद्यालयका एकेडेमिक डिन प्रेमनारायण पोखरेलले बालबालिकालाई असल नागरिक बनाउने तरिका बताए । उनले विद्यार्थी जान्ने भएर मात्र नहुने असल संस्कार भएमात्र सफल ठहरिने एक अनुसन्धानले जनाएको उल्लेख गरे । प्राइमरी लेभल इन्चार्ज गेसु शर्माले सञ्चालन गरेका थिए । कार्यक्रमपूर्व कक्षाकोठा तहअनुसार विद्यार्थीका अभिभावकलाई सम्बन्धित कक्षा शिक्षकले परामर्श दिएका थिए ।