म्याग्दी । बेनी–दरबाङअन्तर्गत लाम्पाटा–दरबाङ सडकखण्ड अलपत्र परेको छ । आयोजनाको ठेक्का लिएका निर्माण व्यवसायी बेपत्ता हुँदा जिल्लाको ३ पालिकालाई जोड्ने उक्त सडक आयोजना अलपत्र परेको हो । पहिलो र दोस्रो खण्डमा स्तरोन्नति धमाधम भए पनि तेस्रो खण्डको आयोजना भने अलपत्र बनेको छ । आयोजना स्तरोन्नति नहुँदा सडक हिउँदमा धुलाम्मे र बर्खा सुरु भएसँगै हिलाम्मे हुने गरेको छ । निर्माण व्यवसायीले समयमा नै काम नगरेपछि सर्वसाधारण जीर्ण, कच्ची, धुलाम्मे र हिलाम्मे सडकमा जोखिम तथा सास्तीपूर्ण यात्रा गर्न बाध्य छन् ।
जिल्लाको मंगला, मालिका र धवलागिरी गाउँपालिकाको केन्द्र जोड्ने २४ किलोमिटर दुरीको बेनी दरबाङ सडक खण्डअन्तर्गत मंगलाको लाम्पाटादेखि मालिकाको केन्द्र दरबाङसम्म ८ किमी सडक आयोजनाको ठेक्का बिरुवा–क्याराभान जेभीले लिएको थियो । ५५ प्रतिशतभन्दा बढी भौतिक प्रगति गरेको निर्माण कम्पनीले बिरुवा–क्याराभान जेभी र पूर्वाधार विकास कार्यालय म्याग्दीबीच २०७६ जेठ ३१ गते २२ करोड ५७ लाख रुपैयाँमा ठेक्का सम्झौता भएको थियो ।
अलपत्र भएको ८ महिनापछि केही समय सडक स्तरोन्नतिको कामले गति लिए पनि बैशाख अन्तिम सातादेखि ठेकेदार कम्पनीले बीचमै छोडेर भागेका छन् । सडक निर्माण अलपत्र भएपछि स्थानीयवासी आक्रोशित बनेका छन् । समयमै सडक स्तरोन्नति नहुँदा स्थानीय, यात्रु र यातायात व्यवसायीले समेत सास्ती व्यहोर्नुपरेको परेको स्थानीय श्रीराम पौडेलले बताए । ‘सडक स्तरोन्नतिको कामले गति नलिदा हिउँदमा धुलो र बर्खामा पहिरो र हिलोको कारण हामीलाई व्यहोर्नुपरेको छ,’ उनले गुनासो पोखे, ‘यति ठूलो आयोजना अलपत्र हुनु दुखद कुरा हो । तत्काल सम्बन्धित निकायको ध्यान जाओस् ।’
बलौटेमा म्याग्दी नदीले कटान गरेर जोखिम बनाएको छ । सो ठेकेदारको जिम्मामा पर्ने बांगेपहिरो क्षेत्र पहिरोग्रस्त र जोखियुक्त छ । अधुरो, अधकल्चो हिलाम्मे र धुलाम्मे सडकमा जोखिमपूर्ण यात्रा गर्नुपरेको छ । सडकमा थुपारिएको माटो, ढुंगा र खाल्डाखुल्डीले दुर्घटनाको जोखिम बढाएको यातायात व्यवासायी बताउँछन् । बेनी–दरबाङ सडकबाट म्याग्दीको ३ पालिका लगायत बागलुङका पश्चिम क्षेत्रका बासिन्दाले यात्रा गर्ने गरेका छन् ।
पूर्वाधार विकास कार्यालय म्याग्दीले ३ प्याकेजमा स्तरोन्नति गरिरहेको छ । २०७८ जेठ महिनामा सकिनुपर्ने लाम्पाटा–दरबाङ खण्डको हालसम्म ५५ प्रतिशतमात्र भौतिक प्रगति भएको छ । थप गरिएको सम्झौता मिति चैतमा सम्पन्न भएको छ । कार्यालयले म्याद थप गर्नको लागि प्रक्रियामा आउन पटक–पटक आग्रह गरे पनि ठेकेदार कम्पनीले भने अटेरी गर्दै आएका छैन् । ठेकेदार कम्पनीले अटेरी गरेपछि कारबाही प्रक्रिया अघि बढाइएको कार्यालय प्रमुख गुरुदत्त अधिकारीले बताए ।
‘चैत महिना ३० सम्म म्याद थप गरिएको समयमा आयोजनाको काम ५५ प्रतिशत सकिएको छ । सडक आयोजना अलपत्र भएपछि म्याद थप्नका लागि प्रक्रियामा आउन ठेकेदार कम्पनीलाई पटक–पटक ताकेता गर्दा पनि सम्पर्कमा नआउने, अटेरी गर्ने र सम्पर्कमा नआउने भएको हुनाले ठेकेदारलाई कारबाहीको प्रक्रियासमेत अगाडि बढाइएको छ,’ उनले भने । सडक आयोजना अलपत्र भएको बारेमा ठेकेदार कम्पनीका निर्माण व्यवसायी सोमराज थकालीसँग थप जानकारी लिन खोज्दा फोन उठाएनन् । निर्माण व्यवसायीलाई काममा फर्काएर सडक निर्माणलाई गति दिन सरोकारवालाले ध्यान नदिंदा जिल्लामा निर्माणाधीन अन्य आयोजनाको हातल पनि कछुवा गतिमा छन् ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१