पोखरा । गण्डकी प्रदेशका प्रहरी नायव महानिरीक्षक दिवेश लोहनीले पर्यटकीय नगरी पोखरालाई शान्ति सुरक्षा अमनचैनको प्रत्याभूतसहित सुरक्षित गन्तव्यको रुपमा चिनाउन पर्यटन व्यवसायीहरुको साथ र समन्वयको खाँचो रहेको बताए ।
पोखरा पर्यटन परिषद र जिल्ला प्रहरी कार्यालय कास्कीको समन्वयमा ‘पोखरामा पर्यटन व्यवसायमा सुरक्षा व्यवस्थापन विषयक अन्तक्र्रियात्मक अनुशिक्षण’ कार्यक्रमको उद्घाटनमा लोहनीले व्यवसायीको साथ र सहयोग हुने हो भने कुनै पनि अपराध लुक्न नसक्ने र आपराधिक घटना न्यूनीकरण हुने बताए ।
उनले पर्यटन व्यवसायीले होटलमा आउने पाहुनाको वास्तविक परिचय नलिने र एक जनाले बुकिङ गरेपछि ५/६ जना सहज बस्न दिने, सिसी क्यामेराको व्यवस्थापन नगर्ने जस्ता कतिपय कमजोरीले आपराधिक घटनाको अनुसन्धानमा चुनौती थपिएको उल्लेख गरे । घटना संख्यामा हेरेर विश्लेषण गर्न नहुने भन्दै कुनै एक घटनाले सम्पूर्ण शान्ति सुरक्षालाई नै खलल पार्ने भएकाले घटना हुनु अघि नै सावधानी अपनाउनुपर्ने उनको भनाइ थियो ।
पोखरा पर्यटन परिषद्का अध्यक्ष गोपीबहादर भट्टराईले पर्यटन क्षेत्रले विभिन्न कठिनाइको सामना गर्नु परिरहेको जनाउँदै पर्यटकका लागि शान्ति सुरक्षा पहिलो शर्त भएको बताए । पर्यटकले घुमफिर गर्दा सुरक्षित महसुस गर्न सकेमात्र पर्यटकीय गतिविधि बढ्ने भएकाले सुरक्षालाई प्राथमिकतमा राख्नुपर्नेमा उनले जोड दिए । उनले लेकसाइडका अधिकांश सोलार बत्तीहरु नबल्ने र साँझ परेपछि अन्धकार देखिने समस्या भएपछि व्यवसायीकै पहलमा १६ लाख खर्चेर बिजुली बत्तीको व्यवस्थापन गर्नु परेको स्पष्ट पारे
पोखरा ६ का अध्यक्ष जगत पहारीले शान्ति सुरक्षा लागि आवश्यक पूर्वाधार निर्माणमा बजेट अभाव रहेको र निजी क्षेत्रको पहलमा पनि भइरहेका कार्य प्रशंसनीय रहेको बताए । उनले रात्रिकालीन व्यवसायबाट उत्पन्न समस्यालाई न्यूनीकरण गर्न रात्रिकालीन निर्देशिका बने पनि त्यसको कार्यान्वयन हुन नसक्दा चुनौती थपिएको बताए ।
जिल्ला प्रहरी कार्यालय कास्कीका प्रहरी उपरीक्षक रमेश थापा शान्ति सुरक्षाको जिम्मा प्रहरीको मात्र भन्ने परम्परागत मानसिकता त्यागेर अपराध न्यूनीकरण साझा धारणासहित सबैको साथ सहयोग र समन्वयको खाँचो हुने बताए । नागरिक बर्दीविनाका प्रहरी भएकाले सचेत नागरिकबाट समाजलाई हिंसा र अपराधरहित बनाउन सहयोग पुग्ने उल्लेख गरे ।
२ दिनसम्म चल्ने अनुशिक्षण कार्यक्रममा पर्यटन क्षेत्रका विज्ञ र प्रहरी प्रमुखहरुबाट पर्यटन र सुरक्षासम्बन्धी विषयमा प्रस्तुतीकरण रहने परिषद्का महासचिव रामचन्द्र शर्माले जानकारी दिए । उनकाअनुसार कार्यक्रममा होटल, रेस्टुरेन्ट र डान्सबारका सञ्चालक एवं कर्मचारीहरुसँगै पर्यटन क्षेत्रसँग सम्बन्धित व्यवसायीहरुको सहभागिता थियो ।
Related News
सम्बन्धित समाचार
होमस्टे महासंघ गण्डकीको प्रशिक्षण
पर्यटनकर्मीलाई ‘पर्यटकमैत्री सेवा’ सम्बन्धी तालिम
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
पोखरा भिलेज अब चारतारे
ढोरपाटन सिकार आरक्ष आसपासमा तीस घरबास सञ्चालन गरिने
hero news full width
मुख्य समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१