पोखरा । राष्ट्रिय प्रजातन्त्र पार्टी (राप्रपा) को एकता महाधिवेशनको बन्दसत्रले संशोधित विधान अनुमोदन गरेको छ । बुधबार सुरु महाधिवेशनले नीरन्जन थापा नेतृत्वको समितिले तयार पारेको विधान संशोधनलाई अनुमोदन गरेको हो ।
अब राप्रपाले पहिलो पटक अध्यक्ष बाहेकका अरु पदाधिकारी पनि निर्वाचनबाट चयन गर्ने भएको छ । महाधिवेशनबाट पारित विधानअनुसार अब राप्रपाको केन्द्रीय समितिमा अध्यक्ष, ६ जना उपाध्यक्ष, ६ महामन्त्री, १ जना कोषाध्यक्ष प्रवक्ताहरु, ७ जना सहमहामन्त्री, ७ जना सहायक महामन्त्री र एक जना सहायक कोषाध्यक्षसहित १ सय ९९ सदस्यीय कार्यसमिति हुनेछ । जसमध्ये अध्यक्ष, १ महिलासहित ४ उपाध्यक्ष, १ महिलासहित ३ महामन्त्री निर्वाचनबाट चयन हुने राप्रपाको प्रचार संयोजक मोहन श्रेष्ठले जानकारी दिए । राप्रपा इतिहासमा अध्यक्षबाहेकका पदाधिकारी चयनका लागि निर्वाचन हुन लागेको यो पहिलो पटक हो ।
१ सय ९९ सदस्यीय केन्द्रीय समितिको ७५ प्रतिशत (१४९ जना) पनि निर्वाचनबाटै चयन हुने छन् । निर्वाचनबाट आउने पदाधिकारी घटाउँदा १ सय ४१ केन्द्रीय सदस्य निर्वाचनबाट चयन हुनेछन् । जसको ३३ प्रतिशत महिला हुने जनाइएको छ ।
राप्रपाले जाति र क्षेत्रका आधारमा पनि केन्द्रीय समितिमा आरक्षण दिएको छ । निर्वाचनबाट चयन हुने केन्द्रीय सदस्यमध्ये खुलातर्फ ५८ जना, आदिवासी जनजाति १४ जना (८ पुरुष र ६ महिला), मधेसी ११ जना (६ पुरुष, ५ महिला), उत्पीडित ३ जना (२ पुरुष, १ महिला), कर्णाली तथा पिछडिएको क्षेत्र २ जना (१ महिला, १ पुरुष), मुस्लिम ३ जना (२ पुरुष, १ महिला), थारु २ जना (१ पुरुष, १ महिला) र प्रवासबाट २ जना निर्वाचित हुनेछन् । पार्टीका २५ प्रतिशत केन्द्रीय सदस्य भने पछि मनोनीत हुने जनाइएको छ ।
महाधिवेशन बन्दसत्रमा राप्रपा अध्यक्ष कमल थापाको राजनीतिक प्रतिवेदन, अर्का अध्यक्ष पशुपतिशम्शेर जबराको सामाजिक प्रतिवेदन र डा. प्रकाशचन्द्र लोहनीको आर्थिक प्रतिवेदन पेश भएको छ । ती प्रतिवेदनमाथि बिहीबार छलफल हुनेछ । ती प्रतिवेदन पारितपछि निर्वाचन कार्यक्रम सुरु हुनेछ । राप्रपा महाधिवेशनमा करिब ४५ सय प्रतिनिधि सहभागी छन् ।
यसैबीच, पार्टी अध्यक्ष कमल थापाले नेपाल देशीविदेशी शक्तिहरूको रणनीतिक चलखेलको केन्द्र बन्न सक्ने खतरा रहेको बताएका छन् । उनले बाहृय शक्तिको चलखेलकै कारण नेपालको प्रजातान्त्रिक मूल्य मान्यता कमजोर बनेको र राज्यका अंगहरूको प्रभावकारितामा समेत ह्रास आउन लागेको बताए ।
महाधिवेशनमा बुधबार सम्बोधन गर्दै उनले मुलुक भ्रष्टाचारको दलदलमा भासिएको र यस्तो अवस्थामा नेपालको राष्ट्रियता र एकता हिजोको भन्दा अहिले बढी संकटपूर्ण रहेको उनले बताए । बिपीले राष्ट्रिय मेलमिलापको नीति लिएर नेपाल फर्किएको स्मरण गर्दै उनले भने, ‘अहिले पनि देशलाई राष्ट्रिय मेलमिलापको आवश्यकता छ ।’
उनले अब राष्ट्रियता र प्रजातन्त्र एकै ठाउँमा रहेको परिस्थिति निर्माण गर्नुपर्ने बताए । नेता थापाले लोकतन्त्रवादीहरूलाई राजसंस्थासँग नतर्सिनसमेत आग्रह गरे ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
सहारा क्लब पोखरालाई वर्ष उत्कृष्ट क्लबको अवार्ड
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१