पोखरा । नेपाली कांग्रेसको १४ औं महाधिवेशन अन्तर्गत स्थानीय तह, प्रदेश सभा र प्रतिनिधि सभा क्षेत्रको अधिवेशनपछि अब जिल्ला र प्रदेश तहको चुनावमा ध्यान केन्द्रित हुन थालेको छ ।
महाधिवेशन प्रतिनिधिको मत परिणाम सार्वजनिक भएसँगै अब जिल्ला र प्रदेशको नेतृत्व लिनका लागि रस्साकस्सी सुरु भएको छ । पहिलो पटक हुन लागेको प्रदेशको चुनावमा गण्डकीबाट कास्कीकै २ जनाले सभापतिका लागि दाबेदारी प्रस्तुत गरेका छन् । पूर्व मन्त्री यज्ञबहादुर थापा र नेता देवराज चालिसेले प्रदेश सभापतिमा उम्मेदवारी दिने बताएका छन् ।
कास्की कांग्रेसका पूर्व सभापति थापाले मंगलबारबाटै सचिवालय स्थापना गरेका छन् । पोखराको स्नोल्यान्ड होटेलमा उनले सचिवालय खोलेर चुनावी तयारी थालेका छन् । नेता चालिसेले बुधबार बिहान पत्रकार सम्मेलन गरेर उम्मेदवारी घोषणा गर्ने बताएका छन् ।
थापा सुशील कोइरालाका पालामा कानुन मन्त्री भएका थिए । चालिसे गएको प्रतिनिधि सभा निर्वाचनमा रवीन्द्र अधिकारीसँग पराजीत भएका हुन् । यी दुवै नेता विद्यार्थी राजनीतिबाट आएका हुन् ।
प्रदेश सभापतिमा कास्कीकै अर्का नेता शुक्रराज शर्माको पनि चर्चा छ । तर कास्कीमा अहिलेसम्म देखिएको चुनावी माहोल र प्रदेशभरको निर्वाचन आँकलन गर्दा उनी उठ्नेमा उनी समर्थकहरुले नै आशंका व्यक्त गर्न थालेका छन् ।
उता तनहुँका रघुनाथ पौडेल त पहिल्यै पर्चा छापेर प्रचारमा जुटेका छन् । लामो समय तनहुँ सभापति भएका उनी आफ्नो अनुभवलाई पार्टी संगठन विस्तार गर्र्र्न प्रयोग गर्नकै लागि प्रदेश सभापतिमा उम्मेदवारी दिन लागेको बताउँछन् ।
पर्वतका अर्जुन जोशीको नाम पनि प्रदेश सभापतिका लागि चर्चामा छ । प्रधानमन्त्री एवं पार्टी सभापति देउवाको निकट रहेका उनी पूर्व सांसद हुन् । कांग्रेसको प्रदेश अधिवेशन यही १६ र १७ गते पोखरामा हुँदैछ । अधिवेशनका लागि गोपालमान श्रेष्ठ नेतृत्वमा समिति गठन गरिएको छ ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
सहारा क्लब पोखरालाई वर्ष उत्कृष्ट क्लबको अवार्ड
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१