पोखरा । नेपाल आदिवासी जनजाति पत्रकार महासंघ (फोनिज) गण्डकीको आयोजनामा स्याङ्जाको आँधीखोला गाउँपालिका १, सिरुबारीमा ‘ग्रामीण पर्यटन प्रवद्र्धन तथा पत्रकार क्षमता अभिवृद्धि’ विषयक अन्तक्र्रिया भएको छ । शनिबार विभिन्न सेसनमा भएको अन्तक्र्रियाका वक्ताले ग्रामीण पर्यटन विकासमा सञ्चारमाध्यमका भूमिका महत्वपूर्ण रहेको औंल्याए ।
उद्घाटन सत्रमा गण्डकी प्रदेश कानुन, सञ्चार तथा प्रदेशसभा मामिला मन्त्री विन्दुकुमार थापाले कोरोनाले सुस्ताएको पर्यटक चलायमान बनाउन आमसञ्चारको ठूलो भूमिका रहेको बताए । नेपालीले ग्रामीण पर्यटनको जग बसाल्ने ऐतिहासिक काम सिरूबारीबाट भएको बताउँदै स्वर्गीय रूद्रमान गुरूङको अविस्मरणीय योगदान रहेको उनले बताए । सिरुबारीले आफ्नो शाख जोगाउनका लागि अर्गानिक खाना र संस्कृतिमा ध्यान दिन सुझाव दिए । फोनिज गण्डकीले गाउँ पर्यटनमा उल्लेखनीय काम गरेको उनको भनाइ थियो ।
मिडिया विधेयकको विषयमा पत्रकारहरुसँगै छलफल गरेर अघि बढ्ने उनको भनाइ थियो । ‘मिडियाको क्षेत्रमा केकस्ता नयाँ काम गर्न सकिन्छ, सबैको सल्लाह सुझाव लिएर नै अघि बढ्ने हो,’ मन्त्री थापाले भने, ‘मिडियाको क्षेत्रमा केही नयाँ गर्ने सोच छ । सबैसँग छलफल भइरहेको छ ।’ मन्त्री थापाले सिरुबारीको विकासका निम्ति आफ्नो मन्त्रालयले र व्यक्तिगत रुपमा पनि सहयोग गर्ने प्रतिबद्धता जनाए ।
फोनिज गण्डकीका इन्चार्ज हुम गुरुङले आफ्नोपन, पहिचान, सभ्यताले सिरुबारीलाई चिनाएको हुँदा अरु होमस्टेले पनि सिकेर उन्नती गरेको बताए । उनले पर्यटन र पत्रकार पर्यायवाची शब्द भएका कारण सँगसँगै हातेमालो गरेर अघि बढ्नुपर्ने धारणा राखे । कानुन, सञ्चार तथा प्रदेशसभा मामिला मन्त्रालयका उपसचिव हिमालचन्द्र अर्यालले आन्तरिक पर्यटक बढाउने खालका कार्यक्रम फोनिजसँग मिलेर गर्न पाउँदा खुसी लागेको बताए । आगामी दिनमा पनि यस्ता अन्य कार्यक्रमहरुमा सहकार्य गर्ने उनको भनाइ थियो । वडाध्यक्ष लोकप्रसाद ढकालले होमस्टेका लागि सकेको सहयोग गरिरहेको जनाए । अझै पनि भनेजस्तो नभएका कारण राम्रो गर्ने प्रयास जारी रहेको अध्यक्ष ढकालले बताए । कार्यक्रममा पत्रकार महासंघ कास्कीका अध्यक्ष श्रीकृष्ण सिग्देलले पछिल्लो समय पत्रकारहरुको क्षमता अभिवृद्धिसँगै आधारभूत तालिमको पनि आवश्यकता रहेको बताए । यसमा पत्रकारसँग सम्बन्धित सबैले ध्यान दिनुपर्ने उनले जनाए ।
अन्तत्र्रिmयाको पहिलो सेसनमा ‘पत्रकार पेसागत क्षमता अभिवृद्धि’ विषयमा फोनिज गण्डकीका इन्चार्ज पत्रकार हुम गुरुङले कार्यपत्र प्रस्तुत गरेका थिए । दोस्रो सेसनमा कानुन, सञ्चार तथा प्रदेशसभा मामिला मन्त्रालयका निमित्त सचिव काशीराम गैह्रेले गत वर्ष भएका कार्यक्रम र यो वर्षका योजना र कार्यक्रमबारे आफ्नो प्रस्तुतिमार्फत् पत्रकारलाई प्रष्ट पारे । अन्तिम सेसनमा ‘ग्रामीण पर्यटनको पाठशाला’ विषयमा पर्यटनविद् हरिसिंह गुरुङको कार्यपत्रमाथि अन्तक्र्रिया गरिएको थियो ।
कानुन, सञ्चार तथा प्रदेशसभा मामिला मन्त्रालयको आर्थिक सहयोगमा भएको कार्यक्रममा फोनिज गण्डकी अध्यक्ष एमबी आस्थाले पर्यटन प्रवद्र्धनमा पत्रकारले सधैं साथ दिने बताए । महासचिव रुद्र श्रीषमगरले फोनिजले पर्यटन प्रवद्र्धनमा फोनिजले अझै उत्कृष्ट कार्यक्रम ल्याउने जनाए । फोनिज गण्डकीका उपाध्यक्ष दिल श्रीषमगरले आदिवासी जनजाति पत्रकार उत्पादनमा जोड दिए । नयाँ पत्रकार जन्माउन र भएका पत्रकार जोगाउनु पछिल्लो समय चुनौतीको विषय रहेको उनको भनाइ थियो ।
Related News
सम्बन्धित समाचार
फेवातालमा दुर्घटनामा परेका ५ जनाको उद्धार
३ पुस्तादेखिको कटुवाल पेसा धान्दै मनबहादुर
मस्र्याङ्दी जलासयमा मोटरबोट
पोखराको काहुँडाँडामा दोस्रो अन्तर्राष्ट्रिय योग फेस्टिभल सुरु
विपद् प्रतिकार्यमा महानगर प्रतिबद्ध छ : प्रमुख आचार्य
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१