पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले संविधान राज्य व्यवस्था सञ्चालन गर्ने साधन मात्र होइन साध्य बन्न सक्नुपर्ने बताएका छन् । संविधान दिवसका अवसरमा आइतबार शुभकामना सन्देश जारी गर्दै मुख्यमन्त्री पोखरेलले त्यसो भएमा मात्र संवैैधानिक शासनमार्फत् राजनीतिक स्थिरता कायम हुन सक्ने बताएका हुन् ।
सन्देशमा उनले उल्लेख गरेका छन्, ‘संविधान दिवसको यस अवसरमा देशको राजनीतिक प्रणालीलाई दिशा निर्देश गर्ने काममा सफलता मिलोस् भन्ने कामना गर्दछु ।’ राजनीतिक स्थिरताका लागि सरकार, राजनीतिक दल, नागरिक समाज लगायत सबै जनतामा संविधानप्रति अपनत्व र आस्था बृद्धि गराउँदै यसप्रतिको स्वीकार्यतालाई अझ बढाउँदै लैजानु आजको आवस्यकता रहेको सन्देशमा उल्लेख छ ।
सन्देशमा भनिएको छ, ‘संविधानको सही कार्यान्वयन बिना सुशासन कायम हुन सक्दैन । त्यसैले संविधानलाई सुशासनको वाहक बनाउन कानुनी शासन र संविधानवाद् मार्फत् संविधानको व्यावहारिक कार्यान्वयनप्रति सबै प्रतिबद्ध बन्न म आग्रह गर्दछु ।’
संविधान कार्यान्वयनका सन्दर्भमा राज्यका ३ वटै अंगप्रति केही प्रश्न अवश्य उठेको भन्दै उनले सरकार गठन सन्दर्भ र संसदको विघटन सम्बन्धमा केही समय नेपालको राजनीतिक प्रक्रिया प्रभावित भएको बताएका छन् । ‘सम्मानित सर्वोच्च अदालतको फैसलापछि त्यसले आफ्नो मार्ग समातेको छ । आगामी दिनहरुमा अब यस्ता बिबाद सिर्जना नगरी देश र नागरिकलाई केन्द्रमा राख्न राजनीतिक दलहरुले प्रतिबद्धता जनाउन जरुरी छ ।’
लामो संघर्षबाट प्राप्त संविधान रक्षा गर्दै यसको पूर्ण कार्यान्वयन गर्दै संघीयतलाई थप मजबुत पार्न म सम्पूर्ण प्रदेशवासीमा उनले अनुरोध गरेका छन् । गण्डकी प्रदेशमा निर्माण भएका कानुन आवश्यकता अनुसार परिमार्जन गर्दै जाने प्रतिबद्धता पनि उनले जनाएका छन् । सहिद र योद्धाहरुको बलिदानी र त्यागको परिणामलाई संस्थागत गर्नेतर्फ सबै सरोकारवाला एक भएर अगाडि बढ्न मुख्यमन्त्री पोखरेलले आग्रह गरेका छन् ।
Related News
सम्बन्धित समाचार
विश्वासको मतअघि अधिकारी सरकारले वितरण गर्यो ५० लाख आर्थिक सहायता
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१