पोखरा । नेपाली कांग्रेसको वडा अधिवेशन सकिएपछि कास्कीमा पालिकास्तरीय अधिवेशन प्रक्रिया सुरु भएको छ । पोखरा महानगरसहित ५ पालिका रहेको यहाँ भदौ २७ मा पालिकास्तरीय कार्यसमिति चयन हुँदै छ । त्यसका लागि निर्वाचन अधिकृतको कार्यालयले पोखरामा बिहीबार नै मनोनयनको कार्यसूची बनाएको छ । ‘अन्तभन्दा पोखरामा अलि धेरै मतदाता हुनुहुन्छ । अलि छिटो तयारी गरौं भनेर कार्यसूची अघि सारिएको हो,’ निर्वाचन अधिकृत आरसी विमल (रामचन्द्र पौडेल) ले भने, ‘गाउँपालिकामा शनिबार मात्रै मनोनयन दर्ता हुन्छ ।’
पोखरा महानगरको नेतृत्व लिन हालसम्म ६ जनाले दाबी पेस गरेका छन् । निर्वाचित वडाध्यक्ष, पत्रकारदेखि व्यवसायीसम्मले आकांक्षा देखाएका छन् । पोखरा ११ का वडाध्यक्ष मोहनप्रसाद बास्तोलाले सबैभन्दा पहिले पत्रकार सम्मेलन गरेर उम्मेदवारी सार्वजनिक गरेका छन् । वडा ९ का वडाध्यक्ष रामराज लामिछानेले पनि सामाजिक सञ्जालमार्फत आकांक्षा देखाएका छन् ।
लामो समय पत्रकारिता गरेपछि नगर सभापतिमार्फत सक्रिय राजनीतिमा ‘टर्न’ गर्दैछन्, गंगाधर पराजुली । उनी कांग्रेस निकट प्रेस युनियनको केन्द्रीय उपाध्यक्षसम्म भए भने नेपाल पत्रकार महासंघको पनि केन्द्रीय उपाध्यक्ष बनिसकेका छन् । अर्की पत्रकार ज्योति हमालले पनि उम्मेदवारी दिने घोषणा गरेकी छिन् । पोखरा उद्योग वाणिज्य संघका महासचिव सुरेन्द्रमान बिजुक्छे र अर्का नेता मिलन तिवारी समेत प्रतिस्पर्धाको होडमा छन् ।
माछापुच्छ«ेमा ३ जना प्रवल दाबेदार देखिएका छन् । वडा १ का निर्वाचित वडाध्यक्ष वीरेन्द्र गुरुङ, हालका पालिका सभापति मधुसुदन अधिकारी र अर्का नेता रामबहादुर गुरुङ सभापतिको प्रतिस्पर्धामा छन् । रुपा गाउँपालिकामा हाल उपाध्यक्ष उठेर पराजित भएकी गीमाया गुरुङ, नेताहरु खेम गुरुङ, आनन्द सुवेदी र विमल न्यौपानेले दाबी गरेका छन् । यहाँ न्यौपानेलाई सर्वसम्मत नेतृत्व चयन गर्ने तयारी छ । यद्यपि अहिलेसम्म सहमति जुटेको छैन ।
मादीमा अर्जुन गुरुङ र ओमप्रकाश गुरुङ उम्मेदवार बन्ने पक्का जस्तै छ । तथापि सहमतिको प्रयास भैरहेको बताइन्छ । अन्नपूर्णमा मनपति भण्डारी र तरुण दलका पालिका सभापति विजय गुरुङ लगायतले उम्मेदवारी घोषणा गरेका छन् । पोखरा महानगरपालिकामा १ हजार ३ सय ७० जनाले मतदान गर्न पाउने छन् । माछापुच्छ्रेमा १ सय ७३, अन्नपूर्णमा १ सय ९८, मादी १ सय ९२ र रुपामा १ सय ३० जना मतदाता छन् । पालिकाको कार्यसमिति चयन गर्न क्षेत्रीय प्रतिनिधि र वडा सभापतिहरुले मतदान गर्ने छन् ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१