पोखरा । गण्डकी प्रदेशको प्रमुख प्रतिपक्षी दल नेकपा एमालेले मुख्यमन्त्री कृष्णचन्द्र नेपाली पोखरेललाई ज्ञापनपत्र बुझाएको छ । आइतबार मुख्यमन्त्री कार्यालयमा पुगेर दलले ६ बुँदे ज्ञापनपत्र बुझाएको हो ।
बजेटमाथिको छलफलमा ढिलाइ भएकाले तत्काल सदन बोलाई बजेटमाथिको छलफल हुनुपर्ने माग एमालेले गरेको छ । बहुवर्षीय योजनाहरुलाई निरन्तरता दिन तथा बाढी पहिरोबाट क्षति भएका घरधनीलाई राहत माग दिनुपर्ने भन्दै एमाले संसदीय दलका प्रमुख सचेतक मायानाथ अधिकारीले ज्ञापनपत्र बुझाए ।
सरकारले कोभिड खोप उपलब्ध गराउने भने पनि अहिलेसम्म खोपको व्यवस्थापन नभएको भन्दै खोपको व्यवस्था गर्न एमालेको माग छ । विपन्न वर्ग, मजदुर, पर्यटन व्यवसायीमा ठूलो नोक्सान परेकाले राहत र सहुलियत व्यवस्था गर्न पनि माग गरिएको छ ।
प्रदेश सभाबाट सर्वसम्मत रुपमा पारित संकल्प प्रस्ताव अनुसार सबै नागरिकलाई खोपको व्यवस्थापन गर्न, सरकार स्थापना भए पश्चात् साढे ३ वर्षअघिदेखि सञ्चालित बहुवर्षीय, प्रदेशका गौरवका योजना र सालबसाली योजनालाई समयमै सम्पन्न गर्ने गरी निरन्तरता दिन ज्ञापनपत्रमार्फत माग गरिएको छ ।
केही दिनदेखि परेको अविरल वर्षाको कारणले बाढी पहिरो गई मनाङलगायत सबै जिल्लाहरुमा सडक, पुल खानेपानी, बिजुलीलगायत अवरुद्ध संरचना तत्काल खुलाउन अधिकारीले ध्यानाकर्षण गराए । उनले लमजुङका विभिन्न ठाउँमा गएको पहिरोले सडक अवरुद्ध बनाएको पनि सुनाए ।
पूर्व भौतिक पूर्वाधार विकास मन्त्री रामशरण बस्नेतले बहुवर्षीय आयोजनाहरुको निरन्तरता हुनुपर्ने बताए । उनले भौतिक मन्त्रालयबाट कार्यसम्पन्न भइसकेका विभिन्न आयोजनाको २ अर्ब ६४ करोड रुपैयाँ भुक्तानी छिटो दिन पनि माग गरे ।
‘पीडितको पहिचान गरी राहत र क्षतिपूर्ति उपलब्ध गराउन, कोभिड १९ र लकडाउनको कारणले दैनिक ज्यालादारी गर्ने मजदुर, विपन्न वर्ग, पर्यटन, यातायात, उद्योगी व्यवसायी लगायत प्रभावित क्षेत्रलाई आवश्यक राहत र सहुलियत व्यवस्थापन गर्न सांसद राजीव पहारीले माग गरे । पुराना योजनाहरुको अनुगमन गरी यथाशीघ्र भुक्तानी दिन र विगतमा टेन्डर भएका योजनाहरुलाई अबिलम्ब अगाडि बढाउन र फेवाताललगायत प्राकृतिक स्रोत साधनको संरक्षण गर्न पहारीले माग गरेका थिए । सांसद कृष्ण थापाले योजनालाई पूरा गर्न सरकार दत्तचित्त हुनुपर्ने सुनाए । सरकार गठन भएको १६ दिन बितिसक्दासम्म मन्त्रीहरुको कार्य विभाजन नहुनु दुखद् भएको एमाले सांसदहरुको भनाइ थियो ।
त्यस अवसरमा मुख्यमन्त्री कृष्णचन्द्र पोखरेलले सुझावलाई सकारात्मक रुपमा लिएको सुनाए । मन्त्री कुमार खड्काले पहिलाको सरकारले बनाएका योजनाहरु सबैलाई बजेट राख्दा ३८ अर्ब लाग्ने तर यसपालि ३० अर्बको मात्रै बजेट आएको हुँदा केही योजनामा रकम घट्ने जानकारी दिए । उनले बहुवर्षीय योजनाहरु कटौती नहुने प्रतिबद्धता पनि जनाए ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
hero news full width
मुख्य समाचार
गण्डकीका सभामुखको कदमबारे मिश्रित प्रतिक्रिया
गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१