पोखरा । गण्डकीमा अहिले सत्ता किचलो बढी छ । संविधानको धारा १६८ (५) अनुसार गठित कृष्णचन्द्र नेपाली पोखरेलको सरकारले जेठ २९ गते नै सपथ लिएको छ । सोही दिन ५ सदस्यीय मन्त्री मण्डल विस्तार भएको छ । उनीहरुले अहिलेसम्म कामको जिम्मा पाएका छैनन् । मुख्यमन्त्री सहित ३ राजनीतिक दलबाट १÷१ जना तथा स्वतन्त्र सांसद राजीव गुरुङलाई विना विभागीय मन्त्रीमा सपथ गराइएको हो । सरकारले हतारमा नीति तथा कार्यक्रम पास ग¥यो । असार १ गते बजेट ल्यायो । त्यसपछि सत्ताको किचलोका कारण बजेटमाथिको छलफल चल्न सकेन । शुक्रबार सरकारले विश्वासको मत पाइसकेको छ । अझै पनि सत्ता साझेदार दलहरुबीच मन्त्रालयको भागबण्डा नमिल्दा बजेटमा बिलम्ब भएको छ ।
विपक्षी दल एमालेका प्रमुख सचेतक मायानाथ अधिकारीले अस्वभाविक रुपमा विलम्ब गरिएको बताए । ‘रातो किताब र अनुसूची ल्याउनुस् भनेर छोडेको हो । तर अव त ढिलो भइसक्यो,’ उनले भने, ‘सरकारले हाउस नबोलाएसम्म हामीले केही बोल्न मिल्दैन । सदनमै कुरा राख्छौं ।’ एमाले संसदीय दलको बैठकले रातो किताब बिना छलफलमा सहभागी नहुने निर्णय गरेको छ । सरकार पनि योजना छनोटमा व्यस्त छ । सरकारको व्यस्तता बजेटमाथि भन्दा सत्ताको दाउपेचमा बढी छ । अहिले सबै सत्तारुढ दलले ठूला र प्रभावशाली मन्त्रालयमा दाबी गरेपछि सहमति जुट्न सकेको छैन । मुख्यमन्त्री सहित अर्थ मन्त्रालयमा कांग्रेसको दाबी छ । तर शुक्रबार विश्वासको मत लिने बेलामा जसपाले अड्को थापेपछि अर्थ मन्त्रालय जसपालाई दिने २ दलबीच लिखित सहमति भएको छ ।
सत्तारुढ दलले ठूला र प्रभावशाली मन्त्रालयमा दाबी गरेपछि सहमति जुट्न सकेको छैन
माओवादीले भौतिक पूर्वाधार सहित अरु मन्त्रालय खोजेको छ । भौतिकमा स्वतन्त्र सांसद मनाङेको पनि दावी छ । जसपाले अर्थ मन्त्रालय नपाए सत्ता बाहिर रहने संकेत गरेको छ । ‘सहमति कार्यान्वयन नभए त्यहाँ रहनुपर्छ भन्ने छैन । अक्षरश निर्णय कार्यान्वयन होस्,’ जसपा सांसद तथा मन्त्री हरिशरण आचार्यले भने, ‘हाम्रो बटमलाइन त्यहि हो ।’ जसपाभित्रै २ धार देखिएको छ । अर्की सांसद धनमाया लामा मन्त्रालय नरोजिकन २ मन्त्रालय पाउनुपर्ने बताउँछिन् । उनले शपथ ग्रहणकै दिन असन्तुष्टि जनाएकी थिइन् भने संसदमा पनि उनको दुखेसो सुनिन्छ । अरु मन्त्रालयहरुको बारेमा छलफल नै अघि बढेको छैन । माओवादीले आफ्नो भागमा पर्ने मन्त्रालय टुंगिएपछि मन्त्री सिफारिस गर्ने तयारीमा छ । प्रदेशबाट मन्त्री मण्डलमा सहमति नजुटे केन्द्रीय नेतृत्वले हस्तक्षेप गर्न सक्ने बुझिएको छ । तथापि दैनिक जसो सत्ता साझेदार दलबीच बैठक चलिरहेको छ ।
सरकारले १३ गतेअघि बजेट छलफल सुरु नगर्ने भएको छ । मुख्यमन्त्री तथा अर्थ मन्त्रालयको जिम्मेवारी समेत सम्हालेका कृष्णचन्द्र नेपाली पोखरेलले बजेट निर्माणमा तीब्रताका साथ काम गरिरहेको बताए । ‘सरकारको विषय टुंग्याउनु पर्ने छ । त्यो भन्दा बढी समस्या सभागृहको हो । अब महानगरले नगरसभा बोलाउने छ । १३ गते अघि सदन बोलाउने सम्भावना देख्दिनँ,’ उनले भने, ‘बजेटमाथिको छलफल पनि त्यसपछि मात्रै हुन्छ । त्यो दिनसम्म सबै प्रक्रिया पूरा हुन्छ ।’ सरकारले असार १ गते ३० अर्व ३ करोडको बजेट सार्वजनिक गरेको छ । मन्त्रीमण्डल विस्तार र कार्यविभाजन पनि सहमतिमै टुंगो लाग्ने उनको भनाई छ । ११ मन्त्रालय रहेको यहाँ कांग्रेस र माओवादीको चार÷चार तथा जसपाको दुई र स्वतन्त्र सांसद मनाङेलाई एउटा मन्त्रालय दिने सहमति करिब टुंगो लागेको छ । पार्टीभित्र मन्त्रीका आकांक्षीबीच रस्साकस्सी छ । अब कांग्रेसबाट २, माओवादीका ३ र जसपाका एक मन्त्री नियुक्त हुने छन् । यसअघिको सरकारले ७ मन्त्रालयलाई फुटाएर ११ मन्त्रालय पु¥याएको हो ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
सहारा क्लब पोखरालाई वर्ष उत्कृष्ट क्लबको अवार्ड
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१