पोखरा । पोखरा उद्योग वाणिज्य संघले जिल्ला ट्राफिक प्रहरी कार्यालय कास्कीलाई स्वास्थ्य सामग्री हस्तान्तरण गरेको छ । कोभिड १९ को महामारीको बेला कर्म क्षेत्रमा खटिने ट्राफिक प्रहरीको सुरक्षालाई मध्यनजर गर्दै बिहीबार ती सामग्री हस्तान्तरण गरेको पोखरा उद्योग वाणिज्य संघका महासचिव सुरेन्द्रमान विजुक्छेले बताए ।
‘सबैभन्दा जोखिम काममा खटिने ट्राफिक प्रहरीको सुुरक्षालाई ध्यानमा राख्दै मास्क, सेनिटाइजर, पन्जा र फेस सिल्ड दिइएको हो’, उनले भने, ‘आवश्यक पर्दा बाटोमा मास्क बिना हिँड्ने बटुवालाई पनि मास्क दिन हामीले आग्रह गरेका छौं ।’ स्वास्थ्य सामग्री हस्तान्तरण कार्यक्रममा संघका कोषाध्यक्ष तथा पोउवा संघ कोभिड भाइरस राहत संकलन उपसमिति संयोजक बलराम आचार्य, उपमहासचिव केशवबहादुर खत्री र कार्यसमिति सदस्य तथा स्वास्थ्य उपसमिति संयोजक भरत केसी सहभागी थिए । संघले यसअघि पोखराको लामाचौरमा रहेको मातृशिशु अस्पताल तथा लेखनाथमा रहेको संक्रामक तथा सरुवा रोग अस्पतालमा पनि स्वास्थ्य सामग्री हस्तान्तरण गरेको कोषाध्यक्ष बलराम आचार्यले बताए ।
खोप ल्याउन अनुमति देऊ
थोक व्यवसायी संघ कास्की तथा फेन्सी तथा रेडिमेड व्यवसायी संघ पोखराले सक्दो छिटो खोपको प्रबन्ध गरिदिन पोखरा उद्योग वाणिज्य संघ गुहारेको छन् । थोक व्यवसायी संघका अध्यक्ष लोखनाथ सुवेदी तथा फेन्सी तथा रेडिमेड व्यवसायी संघ पोखराका अध्यक्ष राजु पौडेलले संघका अध्यक्ष नारायण कोइरालालाई ज्ञापनपत्र बुझाउँदै सो माग गरेका हुन् । दुबै संस्थाको ज्ञापनपत्रमा निषेधाज्ञाका कारण व्यवसाय चौपट भएको र निषेधाज्ञा समस्याको समाधान नभएकाले खोपको व्यवस्था गरिनुपर्ने माग गरेका हुन् । ज्ञापनपत्र बुझ्दै संघका अध्यक्ष नारायण कोइरालाले सरकारले स्वीकृति दिए पोखरा उद्योग वाणिज्य संघ खोप ल्याउन तम्तयार रहेको जानकारी दिए । संघले यसअघि नै नेपाल सरकारसँग निजी क्षेत्रलाई खोप ल्याउने अनुमति दिन आग्रह गरेको स्मरण गर्दै स्वीकृति पाएमा नेपाल उद्योग वाणिज्य महासंघसँगको सहकार्यमा खोपको प्रबन्ध गरिने बताए ।
Related News
सम्बन्धित समाचार
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
hero news full width
मुख्य समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१