पोखरा । सरकारको सिफारिसमा राष्ट्रपति विद्यादेवी भण्डारीले गण्डकीका प्रदेश प्रमुख अमिक शेरचनलाई हटाएर एमाले नेतृ सीता पौडेललाई नियुक्त गरेपछि गण्डकीको राजनीतिक कोर्स फेरिएको छ । आफू अनुकुल प्रदेश प्रमुख आएपछि मुख्यमन्त्री पृथ्वीसुब्बा गुरुङले विशेष अधिवेशन अन्त्य गर्नसक्ने अनुमान गरिएको छ ।
मुख्यमन्त्री गुरुङले यसबारेमा कानुनविद्हरुसँग परामर्श पनि गरेका छन् । अवस्था तरल हुँदै जाँदा प्रतिपक्षी दलहरुले अविश्वासको प्रस्ताव नै फिर्ता लिन्छ कि भन्ने सरकारले गौंडो कुरेको पनि छ । तर प्रतिपक्षी कुने हालतमा प्रस्ताव फिर्ता लिने देखिँदैन ।
१५ वैशाखका लागि तय भएको कार्यसूची अनुसार बैठक चलेन । सांसद हराएको खबर आएपछि सभामुखले बैठक स्थगित गरिदिए । १५ गतेलाई तय भएको कार्यसूची अनुसार बैठक नचलेपछि अविश्वासको प्रस्तावको औचित्य सकिएको भन्दै अधिवेशन अन्त्य गर्न सकिने सरकारी आँकलन छ ।
तर संसदीय अभ्यासमा हेर्ने हो भने कार्यसूची अनुसार बैठक चलेका उदाहरण २० प्रतिशत पनि हुँदैन । प्रमुख प्रतिपक्षी दलका एक सांसद सरकारले यदि यस्तो अनुमान गरेर बसेको छ भने यो यसको कमजोर आँकलन हो । अविश्वासको प्रस्तावमा छिनोफानो गर्नकै लागि अधिवेशन सुरु भएकाले यसको निक्र्योल नगरी अधिवेशन अन्त्य गर्न नहुने उनी बताउँछन् ।
सरकारलाई दिएको विश्वास माओवादी केन्द्रले वैशाख २ गते फिर्ता भएको लिखित रुपमा जानकारी गराएको थियो । मुखयमन्त्रीले जेठ १ गते संसद बैठक बोलाएर २ गते विश्वासको मत लिने भनेर कार्ड पनि फ्याँकेका छन् । तर केन्द्र र प्रदेशमा परिवर्तित राजनीतिक अवस्थाका कारण प्रतिपक्षी दलहरु यसमा सहमत हुने अवस्था देखिएको छैन ।
यता दलहरु सत्ताको खेलमा लागिरहँदा प्रदेशको बजेट भने अलपत्र पर्ने भएको छ । धमाधम बजेट बनाउने बेलामा कुनै मन्त्रालय खाली छन् भने भएका मन्त्री पनि सत्ता खेलको ध्याउन्नमा छन् । आर्थिक मामिला तथा योजना मन्त्री किरण गुरुङ संसद चल्ने अवस्था नभए अध्यादेशबाटै भए पनि बजेट ल्याइने बताउँछन् ।
विनियोजन विधेयक त अध्यादेशबाट आउला तर बजेट आउनुअघि नीति तथा कार्यक्रम पेस गर्नु पर्छ संसदमा । त्यतिमात्र होइन बजेट पेस गर्नु १५ दिन अगावै सदनमा प्रि बजेट छलफल गर्नु पर्छ । यो प्रक्रियालाई सरकारले कसरी पूरा गर्ला त्यो भने हेर्न बाँकी छ ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
hero news full width
मुख्य समाचार
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१