पोखरा । गण्डकी प्रदेश सभामा पेस भएको मुख्यममन्त्रीविरुद्धको अविश्वास प्रस्तावमा मतदान हुने दिन वैशाख १५ गते हराएका जनमोर्चाका सांसद खीमविक्रम शाही अहिले अस्पताल छाडेर होटेलमा बसेका छन् ।
कोभिड १९ संक्रिमत भएको भन्दै १५ गते नै चरक मेमोरियल हस्पिटलको आइसियुमा उनी भर्ना भएका थिए । उनलाई आइतबार साँझ नै अस्पतालबाट निकालेर फेवासिटी हस्पिटल नजिकैको एक सामान्य होटेलमा राखिएको छ । उनले आफू बिरामी नै परेको र कोही कसैको मोलाहिजामा नफसेको बताउँदै आएका छन् । तर उनका गतिविधिले भने शंका गर्ने ठाउँ राखिदिएको छ ।
होटेलमा बसेका उनले अहिले सामान्य खाना खानुका साथै अवस्था पनि सामान्य नै रहेको उनलाई भेटेका एक सांसदले बताए । उनले भने,‘बाहिर मिडियामा के के आएको छ रे भन्दै चिन्ता जनाउनुभएको थियो, उहाँको अवस्था सामान्य नै रहेछ ।’
सांसद शाहीको १५ गते आएका ३ वटा पिसिआर रिपोर्टमा अलग अलग नतिजा आएको छ । १४ गते प्रदेश सभा सचिवालय परिसरमा लिएको स्वाबको नतिजा नेगेटिभ आए पनि १४ गते नै लिइएको भनिएको अर्को स्वाब परीक्षणमा भने कोरोना पोजेटिभ देखिएको थियो । उनको भनिएको दोस्रो स्वाब लाइफकेयरमा परीक्षण गर्दा सिटी भ्यालु १६ उल्लेख थियो । तर सोही दिन परीक्षण गरिएको अर्को स्वाबमा कोरोना पोजेटिभ नै भए पनि सिटी भ्यालु ३९ छ ।
उनै सांसद ‘हराएपछि’ स्थगित भएको गण्डकी प्रदेश सभाको विशेष अधिवेशको बैठक अझै अनिश्चित बनेको छ । बैठक सदन चलाउन सभामुख नेत्रनाथ अधिकारीले हिजो डाकेको बैठक निश्कर्षविहीन भएको छ ।
सर्बदलीय बैठक बसेर निकास खोज्ने भनिए पनि बैठक कहिले र कहाँ बस्ने अझै टुंगो लागेको छैन ।
जनमोर्चाकै सांसद हराएको सूचनाका आधारमा सभामुखले १५ गते बैठक स्थगित गरेका थिए । आफ्ना सांसद बिरामी भएर उपचार गराइरहेको जानकारी जनमोर्चाले सभामुखलाई औपचारिक रुपमा गराइसकेको छ ।
वैशाख २ गते कांग्रेससहित ३ दलले दर्ता गराएको अविश्वास प्रस्तावमाथि वैशाख १५ गते मतदान हुने कार्यसूची थियो । अविश्वास प्रस्ताव पारित गर्न ३१ मत चाहिनेमा जनमोर्चाका खीमविक्रम शाही र स्वतन्त्र सांसद अनुपस्थित भएका कारण कारवाही अगाडि बढाउन सभामुखले रोकेका हुन् ।
६० सदस्यीय गण्डकी प्रदेश सभामा एमालेका २७ सांसद छन् । एमालेलाई १ स्वतन्त्र सांसदको साथ छ । धरमरमा रहेका स्वतन्त्र सांसद राजीव गुरुङ(दीपक मनाङे) लाई मन्त्री बनाएर थप एक भोट सुरक्षित गरेका छन् ।
संसदमा कांग्रेसका १५, माओवादीका १२, जनमोर्चाका ३ र जसपाका २ सांसद छन् । अविश्वास प्रस्तावमा जनमोर्चाको मौखिक समर्थन र २८ सांसदको हस्ताक्षर छ ।
Related News
सम्बन्धित समाचार
विश्वासको मतअघि अधिकारी सरकारले वितरण गर्यो ५० लाख आर्थिक सहायता
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१