पोखरा । गण्डकी प्रदेश सभाका ‘बेपत्ता’ सांंसद खीमबहादुर शाही प्रकरणमा मुछिएको चरक हस्पिटलले चौथो दिन आएर प्रष्टीकरण दिएको छ ।
सांसद शाहीको नाम नै उल्लेख नगरी हस्पिटलका निर्देशक प्रदीप शर्माको हस्ताक्षरमा शनिबारको मितिमा विज्ञप्ति निकालिएको छ ।
संंस्थालाई कमजोर तथा बदनाम गराउने गर्ने नियतका साथ विभिन्न सञ्चारमाध्यम, पत्रपत्रिका तथा सामाजिक सञ्जालमा केही व्यक्तिले अनर्गल तथा झुटा प्रचारवाजी गरिहरेको जानकारी आएकोले त्यसमा ध्यानाकर्षण भएको विज्ञप्तिमा उल्लेख छ ।
तर कुन र के प्रसंग हो केही उल्लेख गरिएको छैन । सांसद शाही प्रकरणमा हस्पिटल जोडिएकाले सन्दर्भ त्यही रहेको सहजै अनुमान गर्न सकिन्छ ।
चरक हस्पिटलले कुनै पनि वर्ग, क्षेत्र, जातजाति, धर्म, तथा राजनीतिक विचारधारा नभनी सबै क्षेत्रमा समानरुपमा आफ्नो विशेषज्ञ चिकित्सकद्वारा सेवा प्रदान गर्दै आएको दाबी हस्पिटलको छ ।
कुनै राजनीतिक विचारधाराका आधारमा विभेदकारी स्वास्थ्य प्रवाह नगरेको र भविष्यमा पनि नगर्ने प्रतिबद्धता हस्पिटलले जनाएको छ ।
वैशाख १५ गते गण्डकी प्रदेश सभामा मुख्यमन्त्री पृथ्वीसुब्बा गुरुङविरुद्धको अविश्वास प्रस्तावमाथि मतदान हुने तय भएकै दिन सांसद शाही ‘बेपत्ता’ भएको भन्दै सोही दलकी सचेतक पियारी थापाले संसदमा निवेदन दिएकी थिइन् ।
त्यही निवेदनकै आधारमा सभामुख नेत्रनाथ अधिकारीले संसद बैठक स्थगित गरेका थिए । विपक्षी दलको इशारामा सभामुखले वैठक स्थगित गरेको भन्दै मुख्यमन्त्रीसहित सत्तारुढ दलका सांसदको आरोप छ ।
वैशाख १४ गते संसद सचिवालय परिसरमा स्वाब दिएका सांसद शाहीले सोही दिन अर्को स्वाद दिएको खबर सार्वजनिक भएको थियो ।
वैशाख १५ गते बिहान सरकारी ल्याबको रिपोर्टमा कोरोना नेगेटिभ थियो । तर केहीबेरपछि निजी ल्याबबाट आएको रिपोर्टमा कोरोन पोजेटिभ देखिएको थियो ।
उनी पोखराकै चरक मेमोरियल हस्पिटलको आइसियुमा भर्ना भएका थिए । चरकले फेरि त्यहीबाट स्वाब लिएर परीक्षणका लागि पठाएको थियो । बिहानको दोस्रो रिपोर्टमा सिटी भ्यालु १६ देखिएकोमा बेलुकको रिपोर्टमा भने ३० देखिएको थियो । स्वास्थ्यकर्मीहरुले यसैमा प्रश्न गरेका छन् ।
सांसद शाहीका भाइ जुनविक्रमले दाजुलाई रिंगटा लागेर हस्पिटल पु¥याएको बताए पनि कोरोनाका बारेमा केही बोलेका थिएनन् ।
सांसद शाहीले १६ गते जारी गरेको विज्ञप्तिमा बिरामी भएर हस्पिटल जाँदै गर्दा बेहोस भएको उल्लेख गरेका छन् ।
संसदमा महत्वपूर्ण निर्णय हुने दिन आफ्नो दलको नेता र दललाई नै आफ्नो अवस्थाका बारेमा जानकारी नदिनुलाई अर्थपूर्ण रुपमा हेरिएको छ ।
उता नेपाली कांग्रेससहित ३ दलले १६ गते निकालेको विज्ञप्तिमा पनि चरक अस्पतालको व्यवहारप्रति शंका व्यक्त गरेका थिए । सांसद शाही हस्पिटल प्रवेश गरेको बेलाको सिसिटिभी फुटेज देखाउन समेत उनीहरुले माग गरेका छन् ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
hero news full width
मुख्य समाचार
फडिन्द्रले इन्कार गर्दा माओवादीले दिन सकेन मन्त्री
गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१