पोखरा । फागु खेल्ने क्रममा झडप हुँदा बागलुङमा २ जनाको मृत्यु भएको छ । निसिखोला र बडिगाढ गाउँपालिकाको बीचमा पर्ने बल्देको धुरी भन्ने ठाउँमा आइतबार साँझपख झडप भएको थियो ।
मृत्यु हुनेमा नेपाली कांग्रेस बागलुङ जिल्ला कार्यसमिति सदस्य प्रकाश कुँवर र कांग्रेसका क्रियाशील सदस्य दीपक परियार रहेको निसीखोला गाउँपालिका वडा नम्बर ७ अध्यक्ष तेजेन्द्र कुँवरले जानकारी दिए । घटनामा १०÷१२ जना सम्पर्कमा नआएको खबर आफूले पाएको वडाध्यक्ष कुँवरले बताए । उनले भने,‘रमाइलोका लागि युवाहरु भेला हुने ठाउँ हो, झडपपछि मृत्यु भएको खबर पाएको छु, के भएको हो, अझै बुझ्न पाएको छैन ।’
सामान्य विवाद हुँदा झडप भएको र पछि विवादले राजनीतिक रुप लिएको स्थानीयले बताएका छन् । स्थानीय धनबहादुर बुढाको नेतृत्वमा आएको टोलीले आक्रमण गरी घाइते बनाएर कुँवर र परियाररलाई खोल्सामा फालेको प्रत्यक्षदर्शी रुपेश श्रेष्ठले बताएका छन् ।
स्थानीयले खोज्दै जानेक्रममा दुवैजनालाई मृतावस्थामा फेला पारेका थिए । उनीहरु दुवैजना निसिखोला गाउँपालिका ७ राजकुट निवासी हुन् । घटनाका बारेमा जानकारी हुनासाथ इलाका प्रहरी कार्यालय बुर्तिबाङ र जिल्ला प्रहरी कार्यालयबाट टोली खटाइएको बागलुङका डिएसपी इकवाल हवारीले बताए । घटना साँझ ५ बजेतिरको हो । उनले भने, ‘पिकनिक गएका युवाबीच झडप भएको भन्ने सुन्नमा आएको छ, हाम्रो टोली घटनास्थलमा पुगिसकेको छ, तर फोन सम्पर्क हुन सकेको छैन ।’ २ जनालाई भीरबाट खसाइदिएको भन्ने प्रारम्भिक सूचना प्राप्त भए पनि विस्तृत विवरण आउन बाँकी रहेको उनले बताए ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
सहारा क्लब पोखरालाई वर्ष उत्कृष्ट क्लबको अवार्ड
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१