म्याग्दी । नेपाली कांग्रेसका केन्द्रीय सदस्य धनराज गुरुङले प्रधानमन्त्री केपी शर्मा ओलीले राजीनामा दिएपछि मात्रै कांग्रेसले सरकारमा जाने नजाने विषयमा निर्णय गर्ने बताएका छन् । नेपाल शिक्षक संघ म्याग्दीले सोमबार बेनीमा आयोजना गरेको २२–२३ औं जिल्ला प्रतिनिधिसभा तथा बेनी नगर स्तरीय तेस्रो प्रतिनिधिसभालाई सम्बोधन गर्दै नेता गुरुङले प्रधानमन्त्रीले राजिनामानै नदिएको अवस्थामा सरकारमा जाने नजाने भनेर निर्णय गर्नु हतार हुने बताए ।
‘सत्ताको घोडामा चढेका ओलीलाई पहिले पदबाट हटाउनुपर्छ,’ उनले भने, ‘संविधानको घाँटी निमोठेर जनमतको अपमान गरेको ओली सरकारलाई सत्तामा बसिरहने नैतिकता छैन् । कांग्रेसले सरकारमा जानेभन्दा पनि ओलीलाई पदबाट हटाउने विषयमा सोच्नुपर्छ ।’ नेपालमा कम्युनिस्ट पार्टी सरकार सञ्चालन गर्न असफल भइसकेको बताउदै नेता गुरुङले काँग्रेसमा पनि नेतृत्वको अघि÷पछि गरेर चाकडीले सीमा नाध्न थालेका भन्दै असन्तुष्टि जनाए । प्रचण्ड र ओलीको विवाद टुंगो नलागेसम्म कांग्रेसले निर्णय लिन हतार नगर्ने बताए ।
नातावाद र चाकडीवादले कांग्रेसका असली नेता कार्यकर्ता अवसरबाट वञ्चित भएको भन्दै आगामी महाधिवेशनमा आफू पदाधीकारीमा उमेद्वार बन्ने घोषणा गरे । सरकारका कमजोरी र गलत क्रियाकलापलाई लिएर जनता माझ जान कार्यकर्तालाई निर्देशन दिँदै नेता गुरुङले नेतृत्वको प्रवृत्ति र कार्यशैली परिवर्तन हुनुपर्ने बताए । अन्तर्राष्ट्रिय बजारमा प्रतिस्पर्धा गर्न योग्य जनशक्ति तयार पार्ने हिसाबले शिक्षामा आमुल परिवर्तन गर्नुपर्ने गुरुङको भनाइ थियो । नेपाली कांग्रेस म्याग्दीका पुर्व सभापति तथा संविधानसभा सदस्य रेशमबहादुर बानियाँले समाज रुपान्तरणको अभियानमा शिक्षकहरुले अगुवाइ गर्नुपर्ने बताए ।
कार्यक्रममा नेपाल शिक्षक संघका संघीय उपाध्यक्ष भरतप्रसाद लम्साल, नेपाल शिक्षक महासंघका महासचिव लक्ष्मीकिशोर सुवेदी, शिक्षक संघका गण्डकी प्रदेश अध्यक्ष शिरोमणि लामिछानेले पठन क्रियाकलापलाई प्रविधिमैत्री बनाउन शिक्षकको क्षमता विकासमा जोड दिए । यसैगरी नेपाली कांग्रेस म्याग्दीका उपसभापति माधवप्रसाद रेग्मी, बेनी नगरपालिकाका प्रमुख हरिकुमार श्रेष्ठ, सचिव मिनबहादुर कार्की, प्रवक्ता अजयमीलन श्रेष्ठ, जिल्ला सदस्य मनकुमारी विक, महिला संघका सभापति विमला गौचन, जिल्ला सदस्य केबी भण्डारी, सहसचिव भरतबहादुर रकाल लगायतले मन्तव्य व्यक्त गरेका थिए । नेपाल शिक्षक संघ म्याग्दीका सभापति दुर्गाराम सुवेदीको अध्यक्षता, उपाध्यक्ष नगेन्द्र खत्रीको स्वागत र सचिव गजेन्द्र श्रेष्ठको सञ्चालनमा कार्यक्रम सम्पन्न भएको थियो ।
Related News
सम्बन्धित समाचार
रवीन्द्र अधिकारीको ५५ औं जन्मजयन्ती
स्थानीय तहका जनप्रतिनिधिलाई एमालेको प्रशिक्षण
भ्रष्टाचार नियन्त्रणमा सार्थक प्रयास भएन : धनराज गुरुङ
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१