पोखरा । सत्तारुढ नेपाल कम्युनिस्ट पार्टी नेकपाभित्र विवाद बढिरहेका बेला सरकार र नेत्रविक्रम चन्द (विप्लव) नेतृत्वको माओवादीबीच सहमति भएको छ । पार्टी एकीकरणले पूर्णता नपाउँदै नेकपाका अध्यक्षद्वय केपी शर्मा ओली र पुष्पकमल दाहाल (प्रचण्ड) बीच फाटो बढेकै बेला भएको यो सहमतिलाई राजनीतिक वृत्तमा निकै अर्थपूर्ण रुपमा हेरिएको छ ।
प्रधानमन्त्री ओलीले अर्का अध्यक्ष दाहालमाथि लगाउँदै आएको आरोप हो– युद्धका बेला प्रयोग गरेका लडाकुहरुको उचित व्यवस्थापन प्रचण्डले गर्नै सकेनन् । ओलीको यो भाषण सार्वजनिक भएलगत्तै प्रचण्डले पूर्व लडाकुहरुको भेला नै गरेर आश्वस्त पार्ने कोसिस पनि गरे । जनयुद्धका एक कमाण्डर रामबहादुर थापा बादलले समेत साथ छाडेका बेला ओलीको यो अभिव्यक्ति वास्तवमै प्रचण्डलाई महँगो सावित भएको छ । अझ विप्लवलाई वार्तामार्फत् सहमतिमा ल्याएर प्रधानमन्त्री ओलीले अर्का अध्यक्ष प्रचण्डलाई थप अप्ठेरोमा पारिदिएका छन् ।
नेपाल सरकारका तर्फबाट लगाइएका नेकपामाथिको प्रतिबन्ध हटाउने, सम्पूर्ण बन्दीको रिहाइ र मुद्दा खारेजी
यो सहमतिपछि सरकारले सर्बसाधारणको थप विश्वास पाएको विश्लेषण गरिएको छ । अकोएतिर तत्कालीन माओवादीका नेताहरुलाई आफूतिर तानेर थप शक्ति आर्जन गर्न र अर्को समूहलाई कमजोर सावित गर्न थप जोड पुगेको छ ओलीलाई ।
सरकार र विप्लव समूहका प्रतिनिधिबीच बिहीबार काठमाडौंमा भएको सहमतिपछि नेपाली राजनीतिक वृत्तमा सकारात्मक सन्देश प्रवाह भएको छ । यही सन्देश व्यापक बनाउन प्रधानमन्त्री केपी शर्मा ओली र विप्लवले शुक्रबार एउटै समारोहमा सम्बोधन गर्ने भएका छन् । २ पक्षबीच बिहीबार भएको वार्तापछि यस्तो सहमति भएको हो ।
२ पक्षबीच भएको ३ बुँदे सहमति सार्वजनिक भए पनि विस्तृत विवरण भने सार्वजनिक गरिएको छैन । सरकार र विप्लव समूहबीच बुधबार २ चरणमा र बिहीबार १ चरणमा वार्ता भएको थियो । ‘सहमतिको विस्तृत विवरण यही फागुन २१ गते दिनको २ बजे विशेष समारोहबीच सार्वजनिक गरिनेछ,’ दुवै तर्फबाट जारी संयुक्त प्रेस नोटमा उल्लेख छ । उक्त समारोहलाई सरकारका तर्फबाट प्रधानमन्त्री केपी शर्मा ओली र नेकपाका तर्फबाट महासचिव विप्लवले सम्बोधन गर्ने कार्यक्रम छ । प्रधानमन्त्रीका परराष्ट्र सल्लाहकार एवम् सरकारी वार्ता टोलीका सदस्य राजन भट्टराईले राष्ट्रिय सभागृहमा शुक्रबार दिउँसो २ बजे विशेष समारोहमा प्रधानमन्त्री र नेत्र विक्रम चन्दले सम्बोधन गर्ने बताए । हिंसात्मक गतिविधि गरेको भन्दै सरकारले गत वर्ष फागुन २८ गते विप्लव नेकपाका गतिविधिमाथि प्रतिबन्ध लगाएको थियो ।
यसपछि विप्लव समूहले देशका विभिन्न ठाउँमा जबरजस्ती चन्दा असुली र बम विस्फोटका घटना गराउँदै आएको थियो । पछिल्लोपटक विप्लवका कार्यकर्ताले मोरङमा १ शिक्षकको गोली हानी हत्या गरेका थिए । मुलुकभरका हिंसात्मक घटनामा संलग्न रहेको आरोपमा विप्लव समूहका सयौं नेता कार्यकर्ता अहिले पनि न्यायिक हिरासतमा छन् । सकारले वार्ताका लागि प्रस्ताव गरेपछि विप्लव समूह पनि राजी भएको थियो । सोही क्रममा मंगलबार दुवै तर्फबाट वार्ता टोली गठन गरिएको थियो । सरकारी वार्ता टोलीमा संयोजक गृहमन्त्री रामबहादुर थापा र सदस्यमा प्रधानमन्त्रीका परराष्ट्र मामिला सल्लाहकार राजन भट्टराई छन् । यस्तै विप्लव समूहबाट प्रवक्ता खडकबहादुर विश्वकर्मा संयोजक र उदयबहादुर चलाउने सदस्य छन् ।
वार्तामा तीनबुँदे सहमति भएको छ । सहमतिमा नेकपाले आफ्ना सम्पूर्ण राजनीतिक विषयहरुको समाधान संवादका माध्यमबाट गर्ने, आफ्ना सबै राजनीतिक क्रियाकलाप शान्तिपूर्ण रुपमा सञ्चालन गर्ने र नेपाल सरकारका तर्फबाट लगाइएका नेकपामाथिको प्रतिबन्ध हटाउने, सम्पूर्ण बन्दीको रिहाइ र मुद्दा खारेजीका विषय छन् ।
यसैबीच, सरकार र विप्लव नेतृत्वको नेकपाबीच भएको सहमति शुक्रबारदेखि नै कार्यान्वयनमा लगिने भएको छ । बिहीबार बेलुका बसेको मन्त्रिपरिषद् बैठकले शुक्रबारदेखि नै सहमति कार्यान्वयनमा लगिने निर्णय गरेको कृषि मन्त्री पद्मा अर्यालले जानकारी दिइन् । उनका अनुसार त्यो बाहेक अन्य कुनै पनि निर्णय मन्त्रिपरिषदले गरेको छैन ।
हेलिकोप्टर चढ्न अस्वीकार
विद्रोही नेकपा माओवादीका नेता नेत्रविक्रम चन्द विप्लव हेलिकोप्टर चढ्न नमानेपछि गाडीबाटै काठमाडौं गएका छन् । उनी काठमाडौं बाहिर भएकाले शुक्रबार हुने कार्यक्रमको सम्बोधनका लागि ल्याउन सरकारले हेलिकोप्टर तयारी अवस्थामा राखेको थियो । तर विप्लवले हेलिकोप्टर चढ्न नमानेपछि गाडीबाटै काठमाडौं गएको एक नेताले जानकारी दिए । हेलिकोप्टरमा चढ्दा राम्रो सन्देश नजाने भएकाले पार्टीले व्यवस्था गरेको गाडीमै विप्लव काठमाडौं गएका हुन् ।
Related News
सम्बन्धित समाचार
विश्वासको मतअघि अधिकारी सरकारले वितरण गर्यो ५० लाख आर्थिक सहायता
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१