पोखरा । समयमै कडाइ गर्न नसक्दा फेवाताल आसपास अनियन्त्रित रुपमा संरचना निर्माणको काम भइरहेको छ । कोहिले रेस्टुरेन्ट खोलेका छन्, कसैले पर्खाल ठड्याएका छन् । रातोमाटे डाँडामा अहिले तालको डिलबाट तालतर्फ सडक खन्न थालिएको छ । होमबहादुर थापा, सन्तोष थापा लगायतको टोलीले मध्यरातमा डोजर चलाएको वडाध्यक्ष रणबहादुर थापाले बताए । उनका अनुसार जेसिबी लगाउँदा मुख्य बाटो समेत भत्किएको छ ।
५० मिटरभन्दा बढी कच्ची बाटो खनिएको प्राविधिकहरुले जानकारी दिएका छन् । थापाले राज्यको स्पष्ट नीति नहुँदा केही गर्न नसकिएको बताए । ‘सँधै वडाध्यक्षले कति समातेर बस्ने ? राज्यले स्पष्ट नीति ल्याएर काम गर्नुप¥यो नि !,’ उनले भने, ‘हामी आफ्ना कुरा भनिरहेका छौं । रोक्ने कुनै आधार छैन । कति जनाको दुश्मन बनेर बस्नु ?’
फेवा किनारमा अनाधिकृत काम भइरहँदा पनि पोखरा महानगर निरीह
बाटो खनेको आरोपमा जेसिबी सहित २ जनालाई वडा प्रहरी कार्यालयले पक्राउ गरेको छ । बाटोमा क्षति पु¥याएको आरोपमा रिटेनिङ वाल लगाउनुपर्ने र त्यसको खर्च बाटो खन्नेहरुले बेहोर्ने थापा बताउँछन् । ‘३ लाख क्षति भएको प्राविधिकले स्टिेटमेन्ट निकालेका छन् । त्यो क्षतिपूर्ति उनीहरुसँग भराउनुपर्छ,’ उनी भन्छन्, ‘प्रहरीले महानगरमा रिफर गरिदिएको छ ।’
नागरिक समाजका अगुवा रामबहादुर पौडेल राजनीति भित्रको गुण्डागर्दी तालमा देखिएको बताउँछन् । ‘नागरिक समाजले विरोध गर्छ । सुनुवाई हुँदैन । एउटा–एउटा पार्टीको खोल ओढेर ताल सिध्याउने भए,’ उनले भने, ‘सरकार जिम्मेवार भएन ।’ वडा नम्बर १८ भित्रै तालको पानीमा पर्खाल उठाएर पछिल्लो वर्षमात्रै दर्जनभन्दा बढी रेस्टुरेन्ट खुलेका छन् । केही रेस्टुरेन्टले नयाँ संरचना थपेका छन् । बन्ने बेलामा रोक्ने र बनिसकेका संरचना भत्काउने तर्फ राज्य उदासीन बनेको छ ।
पोखरा महानगरका प्रवक्ता धनबहादुर नेपालीले जग्गाधनीहरुले राज्यलाई नै नटेरेको बताए । ‘अलिअलि नटेरेका हुन् । अलिअलि अनुगमन पनि कमजोर भयो,’ उनले भने, ‘हेर्दा ताल अब महानगरको नियन्त्रणमा छैन जस्तो भयो ।’ उनले मनपरि बाटो खन्नेलाई हदैसम्मको कारबाही गर्ने बताए । ताल छेउका जग्गाधनीहरु राज्यको स्पष्ट नीति नहुँदा आफूहरु मर्कामा परेको बताउँछन् । ‘गरिखाने खेत तालमा पुरिएको छ । किनारमा केही गरौं भन्दा पनि रोक्छ,’ उनीहरुले भने, ‘कि राज्यले नै मुआब्जा दिएर हाम्रो जग्गा लियोस् । नत्र काम गरेर खान किन रोक्ने ?’
रातोमाटे डाँडाकै छेउमा जमीन पुरिएको छ । सेदीमा धमाधम डाँडा भत्काएर सडक बनाउन थालिएको छ । ड्यामको मर्मतका लागि तालको पानी घटाइएको मौका छोपेर झनै संरचना थपिने आशंका धेरैको छ ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
सहारा क्लब पोखरालाई वर्ष उत्कृष्ट क्लबको अवार्ड
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१