पोखरा । पोखरा उद्योग वाणिज्य संघको वरिष्ठ उपाध्यक्ष पदमा उम्मेदवारी घोषणा गरेका पवनकुमार प्रजापति निर्विरोध हुने भएका छन् ।
संघको आगामी साता हुने ३३ औं महाधिवेशनका लागि शुक्रबार मनोनयनपत्र वितरणमा वरिष्ठ उपाध्यक्ष पदको एकमात्र मनोनयन पत्र गएको छ ।
निर्वाचन समिति संयोजक तीर्थ श्रेष्ठका अनुसार विभिन्न पदका लागि ४० जनाले मनोनयनपत्र बुझेकोमा वरिष्ठ उपाध्यक्षसहित कर्पोरेटतर्फ २ कार्यकारिणी सदस्य र औद्योगिकतर्फ १ कार्यकारिणी सदस्यको आवश्यक संख्याभन्दा बढी मनोनयन गएको छैन ।
चुनावका लागि अध्यक्षमा २ जना, उपाध्यक्ष (वाणिज्य) मा २, उपाध्यक्ष (उद्योग) मा २, महासचिवमा २, कोषाध्यक्षमा २ र उपमहासचिवमा २ जनाले मनोनयनपत्र बुझेका छन् ।
यस्तै, खुलातर्फ १० जना कार्यकारिणी सदस्यका लागि १६ जना, वस्तुगतमा ४ मध्ये ८ जना, कर्पोरेटमा २ मध्ये २ र औद्योगिक १ मध्ये १ जनाले मात्र मनोनयनपत्र बुझेका हुन् ।
आगामी पुस २४ र २५ मा हुने महाधिवेशनअन्तर्गत शुक्रबार मनोनयनपत्र बुझ्ने समय गुज्रिसकेकोले शनिबार मनोनयन दर्तामात्र हुनेछ । थप मनोनयनपत्र बुझ्न पाइँदैन । संघको २९
सदस्यीय कार्यसमितिमा अध्यक्ष, वरिष्ठ उपाध्यक्ष, उपाध्यक्ष (वाणिज्य), उपाध्यक्ष (उद्योग), महासचिव, कोषाध्यक्ष, उपमहासचिव सहित खुलातर्फ १० कार्यकारिणी सदस्य, ४ वस्तुगत, २ कर्पोरेट र १ औद्योगिक सदस्य निर्वाचित हुनेछन् । यस्तै निवर्तमान अध्यक्षका अलावा ४ जना मनोनीत हुने व्यवस्था छ ।
चुनावका लागि नारायण कोइराला र विन्दु कोइराला सुवेदीले प्यानल घोषणा गरेर चुनावमा होमिएका छन् ।
निर्वाचन समितिका अनुसार महाधिवेशनअन्तर्गत पहिलो दिन उद्घाटन सत्र र भोलिपल्ट पोखरा प्रदर्शनी केन्द्रमा मतदान हुनेछ । मतगणना पुस २६ मा हुनेछ ।
Related News
सम्बन्धित समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
hero news full width
मुख्य समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१