हेमजा । नेकपा नेता एवं ऊर्जा तथा सिँचाइ मन्त्री टोपबहादुर रायमाझीले प्रधानमन्त्री केपी शर्मा ओलीले राष्ट्र र भविष्यलाई मध्यनजर गरी प्रतिनिधि सभा विगठन गरेको बताएका छन् ।
शुक्रबार पोखरामा भएको जिल्लास्तरीय नेकपा कार्यकर्ता भेलालाई सम्बोधन गर्दै मन्त्री रायमाझीले प्रचण्ड÷ नेपाल पक्षको पद प्रतिष्ठा पाउने मनसायका कारण वर्तमान अवस्था आएको दाबी गरे । त्यस्तो मनसाय कुनै पनि हालतका पूरा नहुने उनको भनाइ थियो ।
उनले प्रचण्ड र माधव नेपालमा अझैसम्म जनयुद्घ र जनआन्दोलनको धङ्धङी रहेको भन्दै जसरी पनि सरकार कब्जा गर्ने रणनीतिका साथ लागि परे पनि अन्तत असफल रहेको उनले बताए । उनले भने, ‘एकहदसम्म यस घटनाले नेपाली कम्युनिस्ट आदोलनमा क्षति त पु¥याएको छ नै, तर आत्तिइ हाल्ने परिस्थति भने छैन उनले भने । ३३ वर्षसम्म पार्टीको अध्यक्ष नछाड्ने प्रचण्डलाई महाधिवेशन मार्फत अध्यक्ष बन्न सक्छु भन्ने विश्वास समेत नरहेको उनले ठोकुवा गरे । प्रचण्ड नेपाल पक्षले बाटो बिराएको तर्क गर्दै मन्त्री रायमाझीले ओली पक्ष नै संस्थापन भएको दाबी समेत गरे ।
गण्डकी प्रदेशका मुख्यमन्त्री पृथ्वीसुब्बा गुरुङले संसद् पुनस्र्थापनाको कुनै सम्भावना नरहेको बताए । ‘अब निर्वाचनमा जानु निर्विकल्प छ । छापामार शैलीमा सरकारविरुद्घ अविश्वासको प्रस्ताव ल्याउन खोज्दा यो अवस्था आएको हो,’ उनले भने । मुख्यमन्त्री गुरुङले जनताको बीचमा जान खोज्नु कसरी असंवैधानिक भयो भन्दै प्रश्न समेत गरे ।
प्रधानमन्त्री ओलीले चालेको कदमले संघीय लोकतान्त्रिक गणतन्त्र बचाउने उल्लेख गर्दै मुख्यमन्त्री गुरुङले केपी ओली व्यक्ति नभइ विचार भएको धारणा समेत राखे । उनले प्रचण्ड नेपाल समूहलाई श्री ३ महाराज र पूर्व प्रधानमन्त्री क्लबको संज्ञा समेत दिए ।
पार्टीका केन्द्रीय सदस्य खगराज अधिकारीले समृद्घिको संवाहक ओली सरकार भएको दाबी गरे । अहिलेको सरकारले पूर्वाधारतर्फ महत्वपूर्ण काम गरेको जनाउँदै अधिकारीले ढिलो चाँडो हाल विभाजित नेकपाका दुवै शक्ति एक हुने विश्वाससमेत व्यक्त गे । उनले चुनाव केन्द्रित बन्न कार्यकर्तालाई निर्देशन पनि दिए ।
कार्यक्रममा निवर्तमान युवा तथा खेलकुद मन्त्री जगतबहादुर विश्वकर्मा, केन्द्रीय सदस्य विद्या भट्टराई अधिकारी, जिल्ला अध्यक्ष कृष्ण थापा, नेता मनबहादुर गुरुङ, दामोदर वैरागी लगायतले पनि धारणा राखेका थिए । कार्यक्रमका बीच जनसांस्कृतिक महासंघका कलाकारले विभिन्न प्रस्तुति राखेका थिए ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१