पोखरा । पोखरामा बुधबारदेखि २२ औं पोखरा सडक महोत्सव सुरु भएको छ । अंग्रेजी नयाँ वर्ष –२०२१ अवसरमा रेष्टुरेन्ट एण्ड बार एशोसिएसन (रेवान), पोखराले विगतमाझैं यसपालि पनि कोरोना कहरबीच महोत्सवलाई निरन्तरता दिएको हो ।
फेवाताल किनार लेकसाइडको ३ किमी क्षेत्रफलमा हुने महोत्सव ३ दिनसम्म चल्नेछ ।
महोत्सव उद्घाटन गर्दै गण्डकी प्रदेशका मुख्यमन्त्री पृथ्वीसुव्वा गुरुङले विदेशीको इशारामा प्रचण्ड र माधव नेपाल चलेर अविश्वास प्रस्ताव तयारी गरेकोले प्रधानमन्त्रीले संसद विघटन गर्न बाध्य भएको दाबी गरे ।
उनले सडक आन्दोलनले लोकतन्त्र बलियो नहुने पनि स्पष्ट पार्दै सर्वोच्च अदालतले गर्ने फैसलाबाट नै लोकतन्त्र बलियो बन्ने विश्वास व्यक्त गरे । आगामी बैशाखमा चुनाव हुने र सो चुनावमा केपी शर्मा ओलीको पार्टीलाई पराजित गरेर देखाउन चुनौतीसमेत दिए ।
उनले सूर्य चिह्न ओलीनिकट नेकपाले पाउने उनको दाबी थियो । ‘जनताले बामगठबन्धनलाई ५ वर्षसम्म सरकार चलाउन भनी म्यान्डेट दिएका हुन्, ५ वर्षसम्म पनि पर्खिन नसक्ने ?’ उनले भने, ‘चारैतिरबाट घेराबन्दी भएपछि प्रधानमन्त्री ओलीले संसद भङ्ग गर्न बाध्य हुनुभएको हो । चुनावमा जानुपर्छ । किन चुनावदेखि डराउने ? जनता भनेको जनार्दन हुन् ।’
सो अवसरमा मुख्यमन्त्री गुरुङले पोखरा सडक महोत्सव सुरुवातसँगै पोखरा खुला छ भन्ने सन्देश विश्वभर पुगेको बताए ।
कार्यक्रममा गण्डकी प्रदेशका पर्यटन मन्त्री विकास लम्सालले लोकतन्त्रमा जनतामाझ जान डराउनु कायरता हो भने ।
रेवान पोखरा अध्यक्ष लक्ष्मण बरालको अध्यक्षतामा भएको कार्यक्रममा पोखरा पर्यटन परिषद्का अध्यक्ष गोपी भट्टराईले कोभिड–१९ ले कोरोना महामारीले थलिएको पर्यटन उकास्न महोत्सव सहयोगसिद्ध हुने बताए ।
आयोजकका अनुसार कोभिड–१९ ले समस्यामाग्रस्त पर्यटन क्षेत्र उकास्न महोत्सवलाई निरन्तरता दिइएको हो । लामो समय बन्द होटल, रेष्टुरेन्ट लगायत सम्बद्ध क्षेत्रलाई गतिशील बनाउन स्वास्थ्य मापदण्ड अपनाउँदै महोत्सव संचालन हुने महोत्सव संयोजक वसन्त गौतमले बताए ।
उनका अनुसार कोरोना प्रभावका कारण ९ महिनादेखि पर्यटनसम्बन्धी कुनै पनि गतिविधि नभएको, कतिपय व्यवसायीहरु विस्थापित समेत भैरहेको अवस्थामा स्वास्थ्य सुरक्षाको मापदण्ड पालना गरी ‘पोखरा खुला छ’ भन्ने सन्देश दिन महोत्सव सहयोगी बन्ने बताए ।
महोत्सवमा मौलिक संस्कृति झल्कने विभिन्न जातजातिका भेषभूषसहित सांस्कृतिक कार्यक्रम हुनेछन् । यसपालि तडकभडक र तामझाम भने हुने छैन भने आतिशवाजी देखिने छैन ।
लेकसाडइको गौरीघाट, अम्बोट, खहरे र सेन्टर लेकमा ४ वटा स्टेज रहनेछन् । सुन्तला, मह लगायत हस्तकलाका केहीमात्र स्टेल तयार पारिएको छ ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१