पोखरा, २८ कात्तिक । मनोरञ्जनका क्षेत्रमा काम गर्नेहरु समाजमा खासै खुल्दैनन् । उनीहरुको पेसा जति आन्तरिक छ, उत्ति नैसमस्या विकराल छ । समाज र परिवारले पेसालाई स्वीकार नगर्दा जागिरका बेला आइपर्ने समस्या उनीहरुले खुलेर कसैसँग भन्न पनि सक्दैनन् ।
शक्ति समूहको अध्ययनले कोरोनाका बेला यस्तो क्षेत्रमा काम गर्नेहरु भोकभोकै बस्नुपरेको देखाएको छ । ‘समाजमा खुलेर भन्न सक्दैनन् । कोरोनाले जागिर गुमाएका छन्,’ अध्ययनले भन्छ, ‘लकडाउनमा रोजगारदाताले पारिश्रमिक नदिँदा कतिपय भोकभोकै बस्न बाध्य भए ।’
‘समाजमा खुलेर भन्न सक्दैनन् । कोरोनाले जागिर गुमाएका छन्,’
समूहले यस्तै क्षेत्रमा काम गर्ने महिला र बालिकाहरुको दैनिकीमा सघाउँदै आएको छ । लकडाउन अवधिमा मात्रै विभिन्न संघसंस्थाको समन्वयमा समूहले मनोरञ्जनका क्षेत्रमा काम गर्ने १ सय ५ जना महिलाहरुलाई खाद्यान्न सहयोग गरेको छ । दुई सय २१ जनालाई मनोविमर्श सेवा दिएको छ । जसमध्ये १ सय ६ जना कोरोना पोजिटिभ थिए । १० जनालाई आत्मनिर्भर बनाउन व्यूटीपार्लरसम्बन्धी तालिम दिइएको छ । ४५ जनाले जीवनोपयोगी सीपबारे जानकारी लिएका छन् । मनोरञ्जनका क्षेत्रमा हुने श्रम अनौपचारिक भएकोले राज्यका ऐन नियमहरु खासै कार्यान्वयन भएका छैनन् । अहिले त्यसैको पीडामा श्रमिकहरु परे ।
‘श्रमिकप्रति सकारात्मक सोच र व्यवहार छैन । नीति नियम कार्यान्वयन पनि भएको पाइँदैन,’ समूहकी परियोजना संयोजक नीरा दुलाल भन्छिन्, ‘कति महिला र बालिकाहरु हिंसामा परेका छन् । उनीहरुलाई उद्धार गरे पनि परिवारमा पुनर्मिलन गर्न सकिएको छैन ।’ समूहले समय–समयमा यस्ता ठाउँबाट महिलाको उद्धार गर्दै आएको छ । उनीहरुलाई जीवनोपयोगी सीप दिने र व्यवसाय चलाउन बिउपुँजीको व्यवस्था गर्न सके समस्या घट्दै जाने उनको सुझाव छ । तर राज्यले उनीहरुको संरक्षणमा ठोस कदम नचालेको समूहकी अध्यक्ष चरिमाया तामाङ बताउँछिन् । ‘लकडाउनले धेरैको मानसिक तनाव बढायो । बढी पीडित यही क्षेत्रमा काम गर्ने श्रमिकहरु छन्,’ उनले भनिन्, ‘तर त्यसको सही व्यवस्थापनमा राज्यले सहयोग गरेको छैन । पीडितको समस्या सुनेको छैन ।’
बिहीबार सरोकारवालासँग अन्तरक्रिया गर्दै शक्ति समूहले मानव बेचविखन र मनोरञ्जनका क्षेत्रमा कार्यरत श्रमिक महिलाहरुलाई कोभिड–१९ ले पारेको तथा पार्न सक्ने सम्भावित जोखिमबारे जानकारी गराएको छ ।
कार्यक्रममा जिल्ला समन्वय समिति कास्की प्रमुख बैनबहादुर अधिकारीले कोरोनाको प्रभावमा सबै क्षेत्र गाँजिएको बताए । ‘कोरोनाले नपिरोलेको ठाउँ कुन बाँकी छ र ?,’ उनले भने, ‘बढी समस्या महिला र त्यसमाथि पनि अनौपचारिक क्षेत्रमा काम गर्ने श्रमिकहरुमा परेको छ । उनीहरुलाई राज्यले विशेषरुपले हेर्छ ।’ उनले आगामी दिनमा बिनासम्झौता काममा नलाग्न सुझाए ।
गैरसरकारी संस्था महासंघ गण्डकी अध्यक्ष वीना सिलवालले राज्यले कानून पूर्ण पालना गराइदिएमात्रै धेरै समस्याको समाधान हुने दाबी गर्छिन् । ‘कानून बन्छ कार्यान्वयन हुँदैन । पीडितका समस्या सुन्ने निकाय छैन,’ उनले भनिन् । कार्यक्रममा श्रम तथा रोजगार कार्यालय प्रमुख दीपक रेग्मी, सामाजिक विकास मन्त्रालयकी कानून अधिकृत संगीता महर्जन, पोखरा महानगरपालिका सामाजिक शाखा अधिकृत विष्णुमाया पौडेल लगायतले बोलेका थिए ।
कार्यक्रममा संस्थाकी सामाजिक कार्यकर्ता विन्दु आचार्यले स्वागत र कार्यक्रममाथि प्रकाश पारेकी थिइन् भने सरिता पौडेलले सञ्चालन गरेकी थिइन् ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१