पोखरा । संघ सरकारले कोरोनाको परीक्षण र उपचारको खर्च सम्बन्धित ब्यक्तिले नै ब्यहोर्नुपर्ने निर्णय गरेपछि गण्डकी प्रदेश सरकारले काउण्टर दिँदै निशुल्क उपचारको घोषणा ग¥यो । मन्त्री परिषद् बैठकबाटै निर्णय गरेर प्रदेशभित्रका नागरिकले उपचार गर्दा पैसा नलाग्ने ब्यवस्था गरिएको थियो । ‘पहिलेजस्तै उपचार निरन्तर हुन्छ । यहाँका नागरिकले कोरोनाको परीक्षण र उपचारमा पैसा तिर्नुपर्दैन,’ सरकारका प्रबक्ता रामशरण बस्नेतले भने ।
प्रदेशले निशुल्क उपचारको निर्णय गरेकै भोलिपल्ट पश्चिमाञ्चल क्षेत्रीय अस्पतालले उपचार र खानाको समेत पैसा तिर्नु उर्दी जारी गरेको छ । सूचना निकालेर सबै रकम विरामीले नै ब्यहोर्नुपर्ने बताएको हो । अस्पतालका निर्देशक डा. अर्जुन आचार्यले विहीबार सूचना निकाल्दै कोरोनाको उपचार खर्च विरामी आफैले बेहोर्नुपर्ने बताएका हुन् । कार्तिक ४ गतेदेखि नै यो नियम लागू भैसकेको विज्ञप्तीमा उल्लेख छ । क्यान्टिनबाट खाने खाजा तथा खानाका लागि धरौटी बुझाउन भनिएको छ ।
यो अस्पताल संघ मातहत छ । कोरोनाको उपचारमा पनि प्रदेशलाई नटेरेको भन्दै गण्डकीले क्षयरोग केन्द्रमा छुट्टै प्रयोगशाला स्थापना गरेको छ । पश्चिमाञ्चल अस्पतालमा यसअघि देखि नै कोरोना परीक्षण गराउँदा शुल्क बुझाउनुथ्र्यो । अस्पताल र प्रदेश सरकारबीच खासै राम्रो सम्बन्ध छैन । अस्पतालको सूचनापछि मुख्यमन्त्री पृथ्वीसुब्बा गुरुङले आपत्ती जनाएका छन् ।
प्रदेशसँग समन्वय नगरी अस्पतालले शुल्क लिन नपाउने उनको भनाई छ । ‘प्रदेशले नागरिकको निशुल्क उपचार गर्ने निर्णय गर्दा अस्पताललाई किन टाउको दुख्यो ?,’ उनले भने, ‘संघ सरकार यही निर्णय बदनाम भएको छ । अस्पतालले निर्णय सच्याउनुपर्छ ।’ गलत मानसिकता राखेर यस्तो निर्णय गरिएको उनको आरोप छ । यता प्रदेश सरकारले गरेको परीक्षण भने निशुल्क छ ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१