पोखरा । होटल तालिम प्रदायक संघ नेपालले होटल तालिम सञ्चालन गर्न पाउनुपर्ने माग राखेको छ ।
संघ अध्यक्ष ज्ञानबहादुर राना नेतृत्वको टोलीले कोरोनाका कारण आफ्नो व्यवसाय चौपटमा परेको भन्दै सो मागसहित बुधबार प्रमुख जिल्ला अधिकारी ज्ञानप्रसाद ढकाललाई ज्ञापनपत्र बुझाएको हो ।
प्रजिअ ढकालले कक्षा सानो हुने भएपनि हाललाई भर्ना लिइ अनलाइन माध्यमबाट सैद्धान्तिक कक्षा सञ्चालन गर्न सकिने आश्वासन दिए । आमनागरिकका यस्ताखालका अन्य गुनासा समेत आएको भन्दै उनले सरकारले छिट्टै सकारात्मक तथा उचित निर्णय लिने विश्वास समेत दिलाए ।
ज्ञापनपत्रमा कोभिड–१९ महामारीका कारण रोकिएका छोटा अवधिका होटल तालिम पुनः सञ्चालन गर्न दिन माग गरिएको छ । त्यस्तै, होटल, रेष्टुरेण्ट तथा सार्वजनिक यातायात समेत सञ्चालन भइसकेको अवस्थामा अति न्यून संख्यामा प्रशिक्षार्थी हुने होटल तालिमलाई स्वास्थ्य सुरक्षा मापदण्ड अपनाइ सञ्चालनको अनुमति दिन समेत ज्ञापनपत्रमार्फत् माग गरिएको छ ।
त्यसैगरी, होटल तालिममा पोषणयुक्त तथा स्वस्थकर खाना र सरसफाइका बारेमा समेत सिकाइने उल्लेख गर्दै व्यक्तिगत तथा वातावरणीय सरसफाइसम्बन्धी कुरा समेत तालिममार्फत् सिकाइने ज्ञापनपत्रमा जनाइएको छ । होटल तथा पर्यटन व्यवसायलाई आवश्यक दक्ष तथा अर्धदक्ष जनशक्ति उत्पादन गर्ने र बेरोजगार युवा युवतीलाई होटल तथा पर्यटन व्यवसायमा संलग्न गराइ रोजगार एवं स्वरोजगार उन्मुख बनाउन होटल तालिम प्रदायक संस्थाहरूले उल्लेख्य योगदान गरेको समेत ज्ञापनपत्रमा उल्लेख गरिएको छ ।
Related News
सम्बन्धित समाचार
होमस्टे महासंघ गण्डकीको प्रशिक्षण
पर्यटनकर्मीलाई ‘पर्यटकमैत्री सेवा’ सम्बन्धी तालिम
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
पोखरा भिलेज अब चारतारे
ढोरपाटन सिकार आरक्ष आसपासमा तीस घरबास सञ्चालन गरिने
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१