दमौली । ‘कोही नेपाली भोकै बस्दैन । कोही नेपाली भोकले मर्दैन । किनभने यस देशमा जनताको सरकार छ ।’
प्रधानमन्त्री केपी शर्मा ओलीको यो अभिव्यक्तिले अहिले उनलाई गिँज्याइरहेको होला । किनकि कोरोना कहरबीच निमुखा नेपाली जनता रोगसँगभन्दा भोकसँग लड्न विवश छन् ।
सोमबहादुर भुजेल ६७ वर्षका भए । उनले गाउँमा कुनै नयाँ मानिस देख्नेबित्तिकै आफनो व्यथा सुनाउन थाल्छन् । भन्छन्, ‘भुटुन नहालेका तरकारी नखाएको ३ महिना भएछ ।’
विगत ३ वर्षदेखि खाटमा पल्टिरहेकी उनकी श्रीमती ६० वर्षीया मनिसराको रेखदेखमा उनको दैनिक बित्छ । आफ्नै परिवारमा अन्य सदस्य नभएपछि उनी आप्mनो जीवनसाथीको रेखदेख र घर धान्ने गर्छन् ।
भत्किएको घरमा ओत लिएर बसेको यो जोडी उज्यालो भविष्य खोजीमा छ । बाथ रोगले च्यापेर थला परी खाटमा सुतेकी मनिसरालाई आर्थिक अभावका कारण उपचारार्थ अस्पताल लैजान सकिएको हैन । सोमबहादुर भन्छन्,‘घरमा खानेकुरा खाने पैसा छैन । कताबाट उपचारको लागि लैजानू म बुढोले ।’
भत्किएको घरको ओत लागेर बसेका उनीहरुलाई चर्को घाम पनि पोल्छ । वर्षाको पानीले पनि भिजाउँछ । नाम मात्रकै घर छ, उनीहरुको ।
सोमको जोडीमात्र होइन, सोही गाउँमा रहेको वीमाया भुजेलको जोडी पनि उस्तै अवस्थामा छ । भत्किएको गोठको सहारा लिएर बसेका छन् । बायाँपट्टि खुटा भाँचिएपछि उनले एक महिनादेखि हिँड्न सकेकी छैनन् ।
आर्थिक अवस्था नाजुक भएकाले उनले अस्पतालसम्म उपचार गर्न समेत जान पाएकी छैनन् । उनले भनिन्,‘उपचार गर्न जान पैसा नभएपछि घरमै पटी बाँधेर बसेको छु । खाना लाउन सकेको छैन ।’
यी २ जोडीको मात्र समस्या होइन, उक्त गाउँ नै विपन्न वर्गमा छ । डोकोनाङ्लो बुनेर घर चलाउन उनीहरु सबै घरघरको आ–आप्mनो व्यथा छ । बजार क्षेत्रबाट टाढा सो गाउँमा युवा पनि छैनन् । रोजगारी सिलसिलामा कोही विदेश गएका छन् भने कोही बाह्य जिल्ला । गाउँमा केही पर्दा तत्काल काम गर्न बालबालिका र वृद्धवृद्धा बाहेक कोही युवा छैनन् । गाउँमै युवालाई राख्न उक्त क्षेत्रमा कृषि, पर्यटन सम्बन्धी विभिन्न योजना लैजान स्थानिय तहले पहल देखाउन अति आवश्यक देखिन्छ ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१