लेखनाथ । कोरोना भाइरस (कोभिड–१९) प्रभावसँगै जारी निषेधाज्ञाले रक्तदान कार्यक्रम नहुँदा रक्तसञ्चार केन्द्र पोखरामा रगत अभाव हुन थालेको छ । सोको केही भए पनि पूर्तिका लागि पोखरा २६ को खराने युवा क्लबले विहीवार रक्तदान कार्यक्रम ग¥यो । आकस्मिक सो रक्तदान कार्यक्रममा ५० युनिट रगत संकलन भएको छ ।

रगतको अभावले अन्य प्रकृतिका बिरामीको उपचारमा समस्या देखापरेपछि नेपाल रेडक्रस सोसाइटी रक्तसञ्चार केन्द्रको प्राविधिक सहयोग र खराने युवा क्लबको आयोजनमा सो कार्यक्रम भएको हो ।

क्लबका सल्लाहकार तथा खास्टेताल मत्स्य तथा कृषि सहकारी सस्थाका अध्यक्ष हरिप्रसाद अधिकारीले पहिलो रक्तदाता क्लबका अध्यक्ष सुविन तिमिल्सिनालाई ब्लडब्याग हस्तान्तरण गरी सुरु भएको रक्तदानमा पहिलो पटक रक्तदान गर्नेहरुको संख्या बढी रहेको थियो ।

आगामी दिनमा क्लबले वार्षिक क्यालेण्डर नै बनाएर रक्तदान कार्यक्रम राख्ने सचिव सञ्जयराज तिमिल्सिनाले जानकारी दिएका छन् ।