साहित्यकार डा. जगन्नाथ रेग्मीका दुई कृति एकैसाथ लोकार्पण गरिएको छ । उनका श्री श्रीधराचार्य खण्डकाव्य र कालीगण्डकी : संस्कृति र सम्पदा दुई कृतिको अखण्ड ज्योतिबाबा स्वामी कमलनयनाचार्य र संघीय सांसद डा. सूर्य पाठकले लोकार्पण गरेका हुन् ।

कृतिको लोकार्पण गर्दै मुक्तिनाथ पीठाधीश्वर स्वामी कमलनयनाचार्यले कृतिले देवनदी कालीगण्डकीको समग्रतालाई समेटेको बताए ।

अर्का वक्ता संघीय सांसद् डा. सूर्य पाठकले कालीगण्डकी गण्डकी प्रदेशको मात्र सम्पदा नभएर राष्ट्रकै अमूल्य निधि भएको धारणा राखे ।

कृतिका सम्पादक रेग्मीले कालीगण्डकी ः संस्कृति र सम्पदा अनुसन्धानात्मक कृति भएको बताए ।जहाँ गण्डकी सभ्यता शालग्रामको महत्वसँगै कालीगण्डकीको उद्गमदेखि त्यस क्षेत्रका सांस्कृतिक, धार्मिक, ऐतिहासिक र पर्यटकीय स्थलको महिमा र महत्वलाई केलाइएको बताए ।

शालग्राम सङ्ग्रहालयका संरक्षक स्वामी कमलनयनाचार्यको अध्यक्षतामा सम्पन्न कार्यक्रमको सञ्चालन हरिप्रसाद उपाध्यायले गरेका थिए ।