वालिङ । लायन्स क्लबले वालिङका बाढी पहिरोपीडित परिवारलाई राहत उपलब्ध गराएको छ । लायन्स क्लब ३२५ बी १ क्लस्टर २७ को सहयोग र लायन्स क्लब अफ वालिङ सिटी, लायन्स क्लब अफ वालिङ ग्रिन होम, लियो क्लब अफ वालिङ सिटीको संयुक्त आयोजनामा वालिङ नगरपालिकाभित्रका बाढीपहिरो प्रभावितहरुलाई हस्तान्तरण गरिएको हो ।
लायन्स क्लबले वालिङ नगरपालिकालाई ५० थान त्रिपाल, २५ केजीको ३२ बोरा चामल सोमबार हस्तान्तरण गरेको हो ।
वालिङ १३, कुसुण्डेमा रहेको ३२ घर परिवारलाई ३० थान त्रिपाल र १५ बोरा चामल हस्तान्तरण गरिएको छ ।
वालिङ नगर प्रमुख दिलीपप्रताप खाँणले बाढी पहिरो प्रभावित वालिङका नागरिकलाई भोजन तथा आवासको अभाव हुन नदिने बताए ।
“नगरका विभिन्न बस्तीमा रहेका वास्तविक बाढी पहिरो प्रभावितको पहिचान गरी के कस्तो सहयोग आवश्यक पर्छ सोही अनुसार उपलब्ध गराउँछौं” नगर प्रमुख खाँणले भने, “वर्षायामको समयमा बाढी पहिरो जस्ता विपत्तिहरु आउने हुनाले सतर्क रहन पनि नागरिकहरुलाई आग्रह गर्दछु ।”
उनले वालिङका नागरिकको जीवन रक्षाका लागि आगामी दिनमा थप उर्जाका साथ अगाडि बढ्ने क्रममा सहयोग गर्न पनि आग्रह गरे ।
नगर उपप्रमुख कल्पना तिवारीले प्राप्त सहयोग सामग्रीको सही सदुपयोग गरेर वास्तविक बाढी पहिरो प्रभावित परिवारलाई वितरण गरिने बताइन् ।
कार्यक्रममा डिस्ट्रिक कोचिफ एड्भाइजर चण्डीप्रसाद अर्यालले अप्ठ्यारोमा परेकाहरुलाई केही सहानुभूतिस्वरुप राहत वितरण गरिएको बताए ।
कार्यक्रममा वडा १३ का वडा अध्यक्ष आनन्द पाठक, क्लस्टर २२ का जोन चियर पर्सन कुलचन्द्र शर्मा, क्लस्टर २७ का प्रमुख शम्भुराज बास्तोला, लायन्स क्लब अफ वालिडका अध्यक्ष कविता भुसाल, जोन चियर पर्सन देवेन्द्र भट्टराई, लायन्स क्लब अफ वालिङका उपाध्यक्ष दीपक लम्साल, लायन्स क्लब अफ वालिड ग्रिन होमका अध्यक्ष सजना कडेल कोइराला, लियो क्लब अफ वालिडका अध्यक्ष दीक्षान्त खाँण, समाजसेवी पदमप्रसाद पाठक लगायतले मन्तव्य ब्यक्त गरे ।
Related News
सम्बन्धित समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट
सुरु भयो ट्राफिक सप्ताह, मुख्यमन्त्रीले गरे उद्घाटन
मुख्यमन्त्री अधिकारीले रोजे पुरानै मन्त्री
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
hero news full width
मुख्य समाचार
गण्डकीका सभामुखको कदमबारे मिश्रित प्रतिक्रिया
गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१संविधान मिचेर मुख्यमन्त्रीलाई बहुमत, कांग्रेस सर्वोच्च जाने
वैशाख २४, २०८१