म्याग्दी ,२६ असार । गएरातिदेखी परेको अविरल वर्षाका कारण म्याग्दीमा विभिन्न ठाउँमा गएको पहिरोमा परेर ३० जना बेपत्ता तथा खोलाले बगाएर एक जना बेपत्ता भएका छन् । जिल्लाको धवलागिरि गाउँपालिका–६ र मालिका गाउँपालिका–७ मा खसेको पहिरोमा ३० जना सम्पर्क विहीन छन् ।
धवलागिरि गाउँपालिकाको वडा नं ६ को मराङका २१ जना ,मालिका गाउँपालिकाको वडा नं.७ बिममा ९ जना बेपत्ता भएका छन् । वडा अध्यक्ष राजाराम सुवेदीका अनुसार मराङ्गका रिखमा दुई घरका ७ जना ,राम्चेमा दुई घरका १० जना ,कल्लेनीमा दुई घरका ३ जना र ठूलो गाउँमा एक जना बेपत्ता भएका छन् ।
निरन्तर परेको अविरल वर्षा ठाउँ–ठाउँमा पहिरोले बाटो अवरुद्ध भएको र तुवालोका कारण क्षतिको विवरण संकलनमा कठिनाई भएको वडा अध्यक्ष सुवेदीले जानकारी दिए । कुम्रीमा वडा कार्यालयको भवन सहित छ घर पहिरोले बगाएको वडा अध्यक्ष सुवेदीले जानकारी दिए । कुम्रीमा भने मानवीय क्षति हुन नसकेको उनको भनाई छ ।
मालिका –७ बिमका दुले, नौरुङ्ग, तल्लोगाउँ र मालिका थानका गरी विष्णु शर्मा,इच्छा शर्मा ,एलिसा केसी ,गौदेवी नेपाली ,विशेष नेपाली ,बीरबहादुर नेपाली ,बिष्णु नेपाली ,सन्देश नेपाली तथा एक तीन महिने बालिका समेत बेपत्ता भएका वडा अध्यक्ष सुविन जुग्जालीले जानकारी दिए । यसैगरी मालिका गाउँपालिका–६,दुखु खोलाले बगाउँदा एक महिला बेपत्ता भएको गाउँपालिकाका अध्यक्ष श्रीप्रसाद रोका मगरले जानकारी दिए ।
प्रहरी र नेपाली सेनाको टोली घटनास्थल तर्फ पठाइएको जिल्ला प्रहरी कार्यालय म्याग्दीका डिएसपी किरणजंग कुँवरले बताए । ठाउँ–ठाउँमा पहिरो खसेर बाटो छेकेका कारण उद्दारमा जानसमेत अवरुद्ध भएको उनले जानकारी दिए । उनका अनुसार दरबाङ र सिमचौर भन्ने ठाउँमा एउटा टोली रोकिएको छ ।
बागलुङबाट बिपत् ब्यवस्थापन टोली, सशत्र, सेना, प्रहरी र जनप्रतिनिधि उद्दारमा गइरहेका छन् तर पहिरो छिचोल्न समस्या परेको छ । गाडी जान सक्ने अवस्था छैन । पहिरोको बीचमा फसेका अरू सिंगा तातोपानीबाट २ जनालाई उद्दार गरिएको उनले जानकारी दिए । म्याग्दीको धवलागिरि गाउँपालिका–६मराङ्गको कुम्रीमा गएको पहिरो ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१