फेन्सी तथा रेडिमेड व्यवसायी संघ कास्की अध्यक्ष प्रदीप मुल्मीको ३६ वर्षीया श्रीमती मीराको उपचारक्रममा निधन भएको छ।
शुक्रबार बिहान साढे ९ बजेतिर पेटमा दुखाइपछि गैह्रापाटनस्थित फिस्टेल हस्पिटल एण्ड रिसर्च सेन्टरको इमर्जेन्सी वार्डमा उनलाई भर्ना गरिएकोमा दुखाइ कम गर्ने भन्दै अस्पतालले सुई लगाउनासाथ केही मिनेटमै मीराको मृत्यु भएको हो।
यसै विषयमा : उपचारार्थ लगिएकी महिलाकाे सुई लगाउनासाथ मृत्यु
पोखरा–४, सिद्धार्थचोक बस्ने मीरालाई पति प्रदीपले गाडी चलाएर अस्पताल पुर्याएका थिए । परिवार स्रोतका अनुसार शुक्रबार बिहानमात्रै मुल्मी दम्पती मर्निङ वाक गएर फर्केका थिए । खाना खाएपछि पेटमा दुखाईका कारण अस्पताल लगिएको हो।
सामान्य पेट दुखाइ समस्या लिएर उपचारार्थ तत्काल भर्ना गरिएको आँखै अगाडि निधनपछि मृतकका परिवारजन, आफन्त र शुभचिन्तकले अस्पतालको लापरबाहीले मृत्यु भएको भनी तत्काल शव बुझ्न मानेका थिएनन् । उनीहरुले क्षतिपूर्ति दाबी नगरे पनि अस्पतालले सार्वजनिक माफी माग्नुपर्ने माग गरेका थिए।
दिनभरजसो अस्पताल प्रशासन, चिकित्सक र मृतकका आफन्तबीच भएको वार्तामा सो घटनाप्रति अस्पताल प्रशासनले दुःख व्यक्त गर्ने सहमतिमा शव बुझ्न आफन्तले सहमति जनाएको वार्तामा सहभागी एक सदस्यले जनाए।
सो क्रममा चिकित्सकहरुले समेत उपचार पद्दति र मीराको मृत्युबारेमा सम्झाउने प्रयास गरेका थिए।
मुल्मी दम्पतीका एक छोरा र एक छोरी छन्।
अस्पताल प्रशासनले शुक्रबार साँझ शोकाकुल परिवारप्रति हार्दिक समवेदना प्रकट गरेको छ । समवेदनामा भनिएको छ, ‘अस्पतालको आकस्मिक कक्षमा उपचार गराइरहँदा अस्पतालको केही प्राविधिक असामान्यजस्यताको कारण, कोशिस गर्दागर्दै निधन हुन गएकोले यस अस्पताल प्रशासन दुःख व्यक्त गर्दछ।’
मुल्मी दम्पतीका एक छोरा र एक छोरी छन् । प्रदीप मुल्मी विशाल बजार व्यापारिक एशोसिएसनका निवर्तमान अध्यक्ष समेत हुन् । स्व.मुल्मीको शनिबार बिहान ८ बजे शवयात्रा हुने कार्यक्रम छ।
यसैबीच, एशोसिएसन अध्यक्ष केशव खत्रीले शोक वक्तव्य जारी गर्दै एशोसिएसन नि. अध्यक्ष एवं फेन्सी तथा रेडिमेड व्यवसायी संघ कास्की अध्यक्ष, सामाजिक व्यक्तित्व प्रदीप मुल्मीलाई परेको पत्नीशोकप्रति दुःख व्यक्त गरेका छन्।
Related News
सम्बन्धित समाचार
आगोलागी नियन्त्रणसम्बन्धी सचेतना
पोखरा ६ मा साबुन बनाउने तालिम
रोजगारी दिनेभन्दा खोज्ने कम : २ सय ४५ जनाले पाए रोजगारी
गण्डकी बोर्डिङका शिक्षकलाई तालिम
प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन
hero news full width
मुख्य समाचार
बुटवल पावर कम्पनीले ल्यायो विद्युत् महसुल बढाउने प्रस्ताव
क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१