१. आदिकवि भानुभक्त आचार्यको २०७ औं जन्मजयन्ती विविध कार्यक्रम साथ मनाईएको छ । वि.सं. १८७१ असार २९ गते तनहुँको रम्घामा जन्मिएका भानुभक्तको जन्मदिन असार २९ लाई हरेक वर्ष भानुजयन्तीका रुपमा मनाउने गरिन्छ । यसवर्ष कोरोना संक्रमणका कारण गरिएको लकडाउन तथा अविरल वर्षाबीच पनि भानु जयन्तीमा जुन उत्साहजनक सहभागिता भयो, त्यो आदिकविप्रतिको श्रद्धाभक्तिको नमूना हो । भानुभक्तको वि.सं. १९२५ मा निधन भयो । अहिले डेढसय वर्षपछि पनि उनी उत्तिकै लोकप्रिय छन् ।
२. संस्कृतमा लेखिएको अध्यात्म रामायणलाई भानुभक्तले नेपाली भाषामा अनुवाद गरे । अनुवाद मात्र गरेनन् त्यसलाई नेपाली मौलिकतामा ढाले । नेपाली जनजिब्रोमा सहजै टाँसिने गरी भाषा शैली र छन्द अलङ्कारको प्रयोग गरे । जसका कारण उनको रामायण जनजनमा भिज्यो व्यापक वन्दै गयो, त्यसकै कारण त्यतिवेलाका धेरै कवि बीच उनी आदिकवि ठहरिए ।
३. भानुभक्तका आफ्ना मौलिक रचनाहरु पनि थुप्रै छन् । उनका भक्तमाला, प्रश्नोत्तरमाला, वधुशिक्षा आदि कृतिहरु छन् । वधुशिक्षा आलोचित पनि भयो । वधुशिक्षामा भानुभक्तले तत्कालीन समाजमा नारीप्रति समाजको कस्तो दृष्टिकोण थियो, त्यसको उल्लेख गरेका छन् । तत्कालीन आस्थाको चित्रणलाई भानुभक्त कै धारणा भनी आलोचना भएको हो । तथापि उनका धेरै कृतिमा गहिरो भक्तिभाव र जीवन दर्शनको अनुभूति हुन्छ ।
४. भानुभक्तले हाम्रो समाजका विकृति विसंगतिलाई औंल्याएका छन् । भ्रष्टाचार, अत्याचार, व्यभिचारप्रति तीखो व्यङ्ग्य गरेका छन् । अड्डा अदालतको ढिलासुस्ती र भ्रष्टाचार तथा कारागारको अवस्था चित्रण गरेका छन् । भानुभक्तले कारागारमै रहेका बखत रामायण लेखेका थिए । उनका बावुको पालामा भएको सरकारी हिसाव फस्र्यौट उनले कारागारमा बसेर चुकाउनु परेको थियो ।
५. भानुभक्त स्वदेशमा मात्र होइन, विदेशमा पनि उत्तिकै सम्मानित छन् । राजा स्वदेशमा मात्र पुजिन्छन्, विद्वान सर्वत्र पूजिन्छन् भन्ने उक्तिका नमूना पनि भानुभक्त बनेका छन् आज संसारमा जहाँ जहाँ नेपाली भाषीहरु छन्, त्यहाँ त्यहाँ उनको स्मरण गरिन्छ । उनी नेपाली जातीय भाषिक एकताका प्रतीक हुन् । भानुभक्तलाई चिनाउने कवि मोतिराम भट्ट हुन् । उनले भानुभक्तको जीवन चरित्र लेखेर उनको योगदानबारे सबैलाई जानकारी गराएका थिए । यस अवसरमा भानुसँगै मोतिराम भट्टको योगदान पनि स्मरणीय छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१