१. सहकारीका अभियन्ताहरुले हिजो चैत्र २० गते ६० औँ सहकारी दिवस विभिन्न कार्यक्रम राखी मनाए। सहकारी अभियान्ताहरुले यस वर्ष ‘दिगो विकास लक्ष्य प्राप्तिका लागि सहकारी’ भन्ने नाराका साथ विगतमा भन्दा विशेष उत्साह र आत्मविश्वास देखाएका थिए भने उनीहरु भविष्यका लागि पनि उत्तिकै आशावादी भएका थिए।
२. देशमा नेपाली काँग्रेसका नेताबखान सिंह गुरुङले चितवनमा पहिलो पटक २०१३ साल चैत्र २० गते बखान ऋण सहकारी गठन गरेका थिए। उनले गठन गरेको त्यही दिनलाई स्मरण गरेर चैत्र २० गते सहकारी दिवस मान्ने गरिएको छ। सहकारी संघ जति धेरै हुँदैछन्, उति यस दिवसको महत्वपनि बढ्दै गएको छ।
३. बखान सिंह गुरुङले २०१३ सालमा सहकारीको शुरुवात गरेपनि पञ्चायत कालभरि यसमा कसैले खास रुचि देखाएनन्। देशमा प्रजातन्त्रको पुनर्वहाली भए पश्चात २०४८ मा सहकारी ऐन जारी भयो। त्यो ऐन आएपछि जागरुक एवम् चेतनशील मानिसहरुले विभिन्न प्रकृतिका सहकारी संघहरु स्थापना गर्न थालेका हुन्।
४. यसको महत्वपनि बढ्दै गएको छ। अहिले सरकारी, सहकारी र नीजि क्षेत्र भन्न थालिएको छ। सहकारी आर्थिक मेरुदण्डको एक अंगको रुपमा स्थापित भएको छ। देशमा ३३ हजार भन्दा बढी सहकारी संस्थाहरु खोलिएका छन् भने त्यसमा ५६ हजार भन्दा बढी कर्मचारीहरु संलग्न छन्। सहकारी श्रोत अनुसार ५० लाखभन्दा बढी शेयर सदस्यहरुको ३० अर्ब रुपैयाँ यसमा लगानी भएको छ।
५. सहकारी खोल्ने लहर नै आएको छ। पहिले एक दुर्इ सहकारी ब्रि्रेपछि मानिस केही हच्केका थिए भने अहिले स्थिति त्यस्तो छैन। गाउँ-गाउँमा सहकारी पुगेको छ। केही सहकारीले राम्रो काम गरेका छन्। छरिएर रहेका साना तिना पूँजी एकत्रित गरी निश्चित काममा लगाउने यो एक राम्रो माध्यम भएको छ।
६. हिजो सहकारी भन्दा सानो रुपमा हेरिन्थ्यो भने अब सहकारीको अवस्था त्यस्तो छैन। ठूल्ठूला सहकारी बनिसकेका छन्। कृषि उत्पादन बढाउनमा यसले निकै योगदान गरेको छ। गाउँको उत्पादन बजारमा पुर्याउने काममा सहकारीले सघाएका छन्। बजारको पहुँचलाई यसल सरल बनाई दिएको छ।
७. सरकारको सहकारी नीति नियम व्यवहारिक छैन। नीति नियम व्यवहारिक बनाउनु आवश्यक छ। त्यसको साथै सुपरिवेक्षण राम्ररी गरिनु पर्दछ। सहकारीको दृष्टि अब आयात प्रतिस्थापन र निर्यात तिर पनि जानु पर्दछ। देशको संविधान कार्यान्वयनको दिशामा छ। वातावरण अनुकुल हुँदैछ। यो अनुकुलक वातावरणमा सहकारीले फड्को मार्न सक्नु पर्दछ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१