१. सरकारले के कस्तो बजेट ल्याउला भनी प्रतीक्षा गरिरहेका जनतासमक्ष अर्थमन्त्री शंकर कोइरालाले पाँच खर्ब १७ अर्ब रूपैयाँको वाषिर्क बजेट सार्वजनिक गरेका छन्। आँशिक बजेटको शृङ्खला चलिरहेको बेलामा यसपटक पूर्ण बजेट आएको छ। धेरैका लागि यही नै खुसीको कुरा हो। निजी क्षेत्र समेत खुसी भएका छन्।
२. बजेटले सबैलाई खुसी पार्ने प्रयास गरेको छ। बजेटमा कर्मचारीहरूको तलब १८ प्रतिशत बढाएको छ भने मासिक एक हजार भत्ता थप गरेको छ। यसबाट कर्मचारीहरू खुसी भएका छन्। बजेटले संस्थानलाई नाफामा पुर्याउने संस्थानका कर्मचारीहरूलाई सरकारी खर्चमा देशभित्र एक साता पर्यटकीय स्थलको भ्रमणको व्यवस्था गरेको छ।
३. आयकरको छुटको सीमा बढाएको छ। अविवाहितलाई दुर्इ लाख र विवाहितलाई साढे दुर्इ लाखसम्मको आयमा कर छुट गरिएको छ। प्रोत्साहित गर्ने उपायहरू पनि बजेटमा अपनाइएको छ। एक अर्बभन्दा बढी लगानी गर्ने लगानीकर्तालाई पुरस्कृत गर्ने व्यवस्था पनि गरेको छ।उर्जा विकासलाई यसले विशेष महत्त्व दिएको छ। सौर्य उर्जालाई सहरतिर प्रोत्साहित गर्ने कदम पनि बजेटले गरेको छ।
४. बजेटमा संविधानसभाको निर्वाचनको लागि मात्र पर्याप्त बजेट विनियोजन गरेको होइन, स्थानीय निर्वाचनको कुरा पनि गरेको छ र त्यसको लागि पनि बजेट विनियोजन गरेको छ। स्थानीय निकायका पदहरू खाली भएको लामो समयपछि त्यसको चुनाव गर्ने, गराउने जुन प्रस्ताव बजेटमा गरिएको छ, त्यो प्रशंसनीय छ।
५. बजेटले पहिलेका बजेटहरूले व्यवस्था गरेको पुराना कार्यक्रमलाई निरन्तरता दिएकोमा राजनीतिक पार्टीला नेताहरू पनि खुसी भएका छन्। पूर्व अर्थमन्त्रीहरूले समेत त्यसमा सकारात्मक प्रतिक्रिया दिएका छन्। सबै पक्षको प्रशंसा पाउनु यो बजेटको विशेषता हो।
६. पोखरा र यसको सेरोफेरोमा बस्नेहरू पोखराको प्रस्तावित अन्तर्राष्ट्रिय क्षेत्रीय विमानस्थलबारे के भन्छन् भनी खूब नियालिरहेका थिए। बजेटले विमानस्थलका लागि अध्रि्रहण गर्न बाँकी भएको जग्गा अध्रि्रहण गर्न रकमको व्यवस्था गरेको छ। बजेटको त्यो व्यवस्थाले विमानस्थलको काम अब अघि बढ्ने विश्वास पलाएको छ।
७. स्वास्थ्य र सामाजिक क्षेत्रमा पनि यसले नयाँ कार्यक्रम ल्याएको छ। साक्षर नेपाल अभियान, सुनौला हजार, सबै विकास क्षेत्रमा वृद्धाश्रम, सामाजिक सुरक्षा कार्यक्रमअन्तर्गतका राम्रा काम हुन्। खेलकुदको बजेट पनि दोब्बर बढाएको छ। राष्ट्रिय महत्त्वका क्षेत्र पनि विस्तार गरेको छ। सबै पक्षको प्रशंसा बटुल्न सफल भएको बजेट सार्वजनिक गरेकोमा अर्थमन्त्री शंकर कोइराला धन्यवादका पात्र भएका छन्। यसरी धन्यवाद पाउने उनी धेरै समयपछिका अर्थमन्त्री हुन्।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१