१. देशमा एकातिर चुनावको चर्चा परिचर्चा बढ्दै गएको छ भने अकोर्तिर चुनाव बिथोल्छौं भन्ने स्वर पनि चर्कदै गएको छ। चुनावको विरोधमा दुर्इ किसिमका आन्दोलन भइरहेका छन्। एकथरि आन्दोलन मधेसवादी दलहरुको मोर्चाले सञ्चालन गरिरहेको छ भने अको नयाँ शक्ति पार्टीका संयोजक डा बाबुराम भट्टराईको नेतृत्वमा ५० भन्दा बढी साना दलहरु मिलेर गरिरहेका छन्।
२. मधेसी मोर्चाको संविधान संशोधनको माग थियो भने त्यो कुरा सरकारसँग सहमति हुन नसक्दा स्थगित भएको छ। मोर्चाले आन्दोलनको घोषणा नै गरेको छ। मोर्चाको आन्दोलनले २ नम्बर प्रदेशमा प्रभाव पार्ने अनुमान गरिएको छ। अन्यन्त्र मोर्चाले खास प्रभाव पार्ने देखिँदैन। धेरैको विचार छ।
३. साना पार्टीरुले आफूले चुनाव लड्नका लागि चुनाव चिन्ह नपाएको गुनासो गर्दै आन्दोलन गर्दैछन्। उनीहरुले काठमाडौंमा रिले अनसन प्रारम्भ गरेका छन्। उनीहरुलाई चुनाव चिन्ह किन दिइएन भन्ने जिज्ञासा र कौतुहल बढ्दै गएको छ। तर त्यसको सन्तोषजनक जवाफ कतैबाट आएको छैन।
४. निर्वाचन आयोगले आफूले कानुनअनुसार काम गर्नु परेकोले चुनाव चिन्ह दिन नसकेको बताउँदैछ। कही कतै ती साना पार्टीरुले समयमै निर्वाचन आयोगमा नगएकाले त्यो चुनाव चिन्हबाट उनीहरु वञ्चित भएको अफवाह फैलाइएको छ। संसद्मा भएका पार्टीरुले आफूहरुबाहेक अरुले चुनाव चिन्ह नपाउने ऐन बनाएकोले यो स्थिति आएको हो।
५. त्यस्तो ऐन कानुन किन के कारणले बनाए, त्यस सम्बन्धमा उनीहरुले केही बोलेका छैनन्। त्यसको विरोधमा अनसन बसेकाहरुले त्यो ऐन कानुन संसद्मा प्रतिनिधित्व गर्ने पार्टीरुको सिण्डिकेटले गरेको भनी ती पार्टीरुलाई सिण्डिकेटको आरोप लगाएका छन्। त्यस सम्बन्धमा के उचित हो, के अनुचित हो सर्वसाधारणले पनि प्रश्न गर्न थालेका छन्।
६. चुनाव भनेको सबैको हो। यसमा सबैले भाग लिन पाउनु पर्दछ। चुनावमा जति धेरैको सहभागिता रहन्छ, त्यो त्यत्ति सफल हुन्छ। सरकारले धेरैभन्दा धेरैलाई सहभागिता बनाउने प्रयास जारी राख्नुपर्दछ। अब समय बित्यो भनेर पन्छिनु राम्रो हुँदैन। अन्तिम घडीसम्म त्यो प्रयास जारी राख्नु पर्दछ।
७. चुनाव नहोस् भन्नेहरु छन्। चुनाव गर्न नसकोस् भन्नेहरु छन्। यस्तो अवस्थामा हामीले जानाजान धेरैलाई चुनावको दायरादेखि बाहिर राख्दा त्यसले राम्रो परिणाम नदिन सक्छ। चुनावको विरोध गर्नेहरु अहिले बेग्लाबेग्लै किसिमले गरिरहेका छन्। उनीहरु एक भएर अर्थात् संयुक्त भएर आन्दोलन गरे भने सरकारलाई त्यो भारी पर्न सक्छ। अकोर्तिर आन्दोलनकारीहरुले पनि सोच्नुपर्दछ कि स्थानीय चुनावको विरोध गर्नु, बहिष्कार गर्नु या बिथोल्नु त्यति सजिलो हुँदैन। त्यो सकारात्मक पनि हुँदैन। नकारात्मक काम धेरै गर्नु हुँदैन। अझै समय छ। एउटा मिलनविन्दु पहिल्याएर सहमति गर्नु आवश्यक छ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१