प्रधानमन्त्री पुष्पकमल दाहालले परराष्ट्र मन्त्री विमला राई पौड्याललाई जेनेभा भ्रमण जानबाट नाटकीय रुपमा रोकेपछि त्यसले राजनीतिमा अर्को तरंग ल्याइदिएको छ । परराष्ट्र मन्त्री पौड्याल राष्ट्र संघीय मानव अधिकार परिषद्को ५२ औं बैठकमा सहभागी हुन त्यसतर्फ जान लागेकी थिइन् । उनको भ्रमणलाई मन्त्रिपरिषद्ले स्वीकृति पनि दिएको थियो । उनकै नेतृत्वमा परराष्ट्रको टोली जेनेभा जान लागेको थियो । सबै काम तयारी भएर विमानस्थलमा जान लाग्दा प्रधानमन्त्री दाहालले परराष्ट्र मन्त्रीलाई विदेश जानबाट रोकेका थिए । टोलीका अन्य सदस्यहरू निर्धारित समयमा प्रस्थान गरिसकेका छन् । मानव अधिकारसम्बन्धी त्यस बैठक फागुनको १५ देखि चैत १३ सम्म चल्नेछ । त्यसमा मानव अधिकारको क्षेत्रमा नेपालले प्राप्त गरेको उपलब्धि र अबका योजनाबारे प्रस्तुति दिने कार्यक्रम छ । परराष्ट्र मन्त्री पौड्याल जेनेभाबाट फर्कंदा कतारमा हुने अति कम विकसित मुलुकहरूको पाँचौं सम्मेलनमा पनि सहभागी हुने कार्यक्रम थियो ।
प्रधानमन्त्री दाहालले नाटकीय रुपमा परराष्ट्रमन्त्री पौड्यालको भ्रमण रोक्नु देशमा भएको परिवर्तित घटनाको परिणामको रुपमा लिने गरिएको छ । सत्ता गठबन्धनमा चिरा परेपछि एमालेका मन्त्रीहरूले राजीनामा दिएर प्रधानमन्त्रीलाई सजिलो पारिदिने अपेक्षा गरिएको थियो । तर एमालेले आगामी २५ गते राष्ट्रपतिको चुनावसम्म सरकारमा रहिरहने निर्णय गरेपछि ती २ पक्षबीच कसले कसलाई बढी अप्ठ्यारो पार्ने प्रतिस्पर्धा सुरु भएको संकेत देखिएको थियो । परराष्ट्रमन्त्री पौड्यालले यस घटनालाई आफ्नो ठूलो अपमान सम्झेकी छन् । यसको विरोधमा एमालेले सरकारलाई दिएको समर्थन फिर्ता गरेको छ र आफ्ना मन्त्रीहरूलाई फिर्ता बोलाएको छ ।
आगामी २५ फागुनसम्म वर्तमान घटनाक्रम बढ्दै जाने देखिन्छ । शेरबहादुर देउवा प्रधानमन्त्री भएको बेला सत्ता गठबन्धन तोडिँदा पनि यस्तै अप्ठ्यारो स्थिति आइपरेको थियो । माओवादी मन्त्रीहरूले राजीनामा नगर्दा प्रधानमन्त्री देउवाले ती मन्त्रीहरूको विभाग खोसेर मन्त्रालयविहीन मन्त्री बनाएका थिए । त्यसबेला ती मन्त्रीहरूले आफ्नो ठूलो अपमान सम्झेका थिए । तर राजनीतिमा जे–पनि हुन सक्छ भनेर तिनीहरूले अपमानको घुट्को पिएर पार्टीको निर्देशनको पालना गरेका थिए । माओवादी र एमालेको विवाद के–कसरी अघि बढ्ला, त्यो निश्चत छैन तर तिनीहरूबीच वैमनस्यता बढ्दै जानेछ । तिनीहरूले एकले अर्कोलाई नंग्याउने प्रयास जारी रहनेछ । देशको राजनीति यत्ति तल्लो स्तरमा आएको छ कि त्यसले सधैं नेताहरूलाई विवादको भूमरीमा फसाइराख्ने छ र नेताहरू पनि त्यसैमा दंग परेर झन्–झन् चर्को विवाद गरिरहने छन् ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१