१. यसपटक २० वर्षपछि स्थानीय तहको निर्वाचन भएर हो कि यो निर्वाचनमा धेरैको कमी कमजोरी देखिएको छ। धेरैलाई धेरै शिक्षा दिएको छ। निर्वाचन आयोगलाई निर्वाचनमा प्रयोग भएको मतपत्र ज्यादै भद्दा भएको र निर्वाचन शिक्षा अपुग भएको कुरा बताएको छ। माथिका नेताहरूलाई आफूले जे गरे पनि हुन्छ भन्ने भावना त्याग्न चुनौती दिएको छ।

२. मतपत्र र निर्वाचन शिक्षाको अभावबारे धेरै लेखिएको थियो। तर त्यसलाई निर्वाचन आयोग र राजनीतिक पार्टीरू तथा त्यसका उम्मेदवारहरूले गम्भीरतापूर्वक लिएनन्, उनीहरूले निर्वाचन शिक्षालाई महत्व नै दिएनन्। जसको कारण उम्मेदवारहरूको धेरै मत बदर भएका छन् भने त्यसको कारणले मत परिणाम आउन ढिलाई हुने भएको छ।

३. ठूला राजनीतिक दलका शीर्ष नेताहरूले कार्यकर्ताको मनोभावना नबुझीकन केही सीटमा निर्वाचन तालमेल मिलाउन खोजे। उनीहरूले आफूले गरे जे पनि हुन्छ, कार्यकर्ताले मानि हाल्छन् भनी सोचेका थिए। तर त्यसको उग्र प्रतिक्रिया निस्िकयो। व्यवहारमा त्यो तालमेलको खास अर्थ रहेको देखिएन। यसले नेताहरूले सोच्नुपर्ने अवस्था ल्याएको छ।

४. यसपटकको चुनावले पार्टीको कार्यालयले कार्यकर्ताको उचित मूल्यांकन गर्नुपर्ने र त्यो मूल्यांकन निष्पक्ष हुनुपर्ने कुरा सजग रहन भनेको छ। मूल्यांकनको अभावमा को कार्यकर्ता कुन पदका लागि उचित हो भन्ने नै भएन। जसले पनि ठूल्ठूलो पदको आकांक्षा राख्ने र त्यो पद दिएन भनेर घुर्की लगाएर बस्ने गर्दा त्यसले पार्टीकाई नोक्सान हुने गरेको छ।

५. नेताहरूले यस्तो बेलामा पनि गुट उपगुट हेर्ने र हार्ने भए पनि आफ्नै मान्छे उठाउने प्रवृत्तिले पनि पार्टीकाई नोक्सान पुगेको गुनासो धेरै सुनिएको छ। गुट र उपगुट हेर्ने र काखा र पाखा गर्ने नेताहरूको प्रवृत्तिले धेरै कार्यकर्तालाई निराशा प्रायः पारेको छ, कतिपय जेन्युन कार्यकर्ता ओझेलमा पुगेका छन्।

६. यसपटक २० वर्षपछि यो स्थानीय निर्वाचन भएकोले पनि यस्तो अवस्था आएको हुन सक्दछ। कार्यकर्ताहरूले आफ्नो भाग्यको फैसला गर्ने अवसर नै पाएका थिएनन्। एउटा सिँगो नयाँ पुस्ता त्यो अवसरबाट वञ्चित भएको अवस्था थियो। उनीहरूले काम गरे तर त्यसको मूल्यांकन भएको थिएन र त्यसको प्रतिफल पाएका थिएनन्।

७. यो चुनावले धेरैको परीक्षा भएको छ। जसले चुनाव जितेका छन्, उनीहरूको पनि वास्तविक परीक्षाको घडी आएको छ। उनीहरूले आफ्नो पार्टीको घोषणापत्र हेरेर काम गर्नुपर्ने अवस्था छ। उनीहरूले काम गर्न सकेनन् भने जनताले छोड्ने छैनन्। सचेत जनताले उनीहरूको काम हेरिरहने छन्, त्यसको मूल्यांकन गरिरहने छन्। निकट भविष्यमा अको चुनाव आउँदैछन् भनेर काम गर्नु आजको आवश्यकता हो।