१. संविधान बनाउन दिनहुँ जुटिरहेका राजनीतिक पार्टीरू फेरि एकपटक टाढा हुन खोज्दैछन्। ती पार्टीका नेताहरूले आफ्नो अडान नछाडेका कारण संविधानको अन्तर्वस्तुमा सहमति हुन सकेको छैन। तिनीहरू एकले अर्कोलाई सम्झाउने, बुझाउने काममा असफल भएपछि उनीहरूले एकले अर्कालाई दबाब दिने भन्दै अकै रणनीति अख्तियार गरेका छन्।
२. एमाओवादी अध्यक्ष पुष्पकमल दाहालले उच्चस्तरीय राजनीतिक समितिको संयोजक भएपछि वातावरण बन्ने सत्तामा बस्ने नेपाली काङ्ग्रेस र एमालेको साँच थियो। तर दाहालले उनीहरूको अपेक्षाको विपरीत माओवादीलगायत सानातिना दल मिलेर बनेको मोर्चाको कार्यक्रममा गएर धम्कीको भाषा बोलेपछि वातावरण धमिलिएको छ।
३. एमाओवादी अध्यक्ष दाहालले काङ्ग्रेस र एमालेलाई दबाब दिन आफूले त्यस्तो बोलेको बताएका छन् भने केही दिन पहिले काङ्ग्रेस र एमाले मिलेर संविधानको अन्तर्वस्तुमा आफ्नो समान धारणा भएको बताउँदै ४०४ सभासद्सहितको साझा प्रस्ताव तैयार गरेका छन्। त्यो प्रस्ताव सुनेपछि एमाओवादी तर्सन थालेको छ।
४. एमाओवादी एकातिर मोर्चाबन्दी गर्दै ठाउँ-ठाउँ भाषण गर्दैछ भने काङ्ग्रेस एमालेले दुर्इ तिहाइको कार्ड देखाएका छन्। दबाबको रणनीतिले राजनीतिक वातावरण धमिलिन गएको छ। संयोजकको नाताले दाहालले बोलाएको उच्चस्तरीय बैठकमा काङ्ग्रेस र एमाले दुवै पार्टीका नेताहरू उपस्थित भएनन्।
५. राजनीतिक स्थिति अरु ब्रि्रेको अनुभव गरिएको छ। स्थिति ब्रि्रेकाले संविधानमा सहमति गर्ने काम अरु दुरूह गएको छ। अब त विदेशीहरूले पनि संविधान माघ ८ गते घोषणा हुने कुरामा शड्ढा गर्न थालेका छन्। त्यसैले युरोपेली युनियनका कूटनीतिज्ञहरूले माघ ८ भित्र संविधान घोषणा गर्नुपर्नेमा आफ्नो सक्रियता देखाएका छन्।
६. पार्टीरूमा को पछि हट्ने, को अघि बढ्ने समस्या छ।समस्या समाधानको लागि केही लचिलो हुनुलाई उनीहरूले कमजोरी ठानेका छन्। र उनीहरूले कमजोरी देखाउन चाहेका छैनन्। तर सर्वसाधरण जनता जो लचिलो भएर समस्या समाधान गर्न अग्रसर हुन्छ, उसैलाई राम्रो भन्ने पक्षमा छन्। तर यो कुरा उनीहरूले राम्ररी बुझेका छैनन्।
७. नेताहरूमा अहंकार ज्यादै बढेर गएको छ। जति उनीहरूले अहंकार देखाउँदैछन्, उति उनीहरू जनताको नजरबाट गिर्दैछन्। यो कुरा नेताहरूले छिटो बुझ्नु आवश्यक छ। जनताको विश्वास पाउने हो भने जनभावना अनुसार काम गर्नुपर्दछ र आफूले गरेको प्रतिबद्धतालाई पूरा गर्नुपर्दछ। संविधान माघ ८ गतेभित्र घोषणा गर्ने सबैको प्रतिज्ञा हो। यो प्रतिज्ञा नेताहरूले पालना गर्नुपर्छ। दबाबको राजनीति गरी बनेको स्थिति बिगार्नु बुद्धिमानी होइन
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१