१. हरेक कुरामा फरक विचार राख्ने प्रवृत्ति बढिरहेको बेलामा यसपटक गणतन्त्र दिवस पनि छुट्टाछुट्टै ठाउँमा मनाएर सम्पन्न गरे। एकातिर सरकारीस्तरबाट मनाइयो भने अकोर्तिर पापडको आयोजनामा नागरिक समाजका अग्रजहरू भेला भएर गणतन्त्र दिवस मनाए। काठमाडौंको त्यो सिको केही जिल्लाहरूमा पनि गरिएको थियो।

२. चार राजनीतिक दलको निर्णय र त्यो निर्णय अनुसार मन्त्रिपरिषद्ले गरेको सिफारिस तथा त्यही सिफारिस अनुसार राष्ट्रपति डा. रामवरण यादवले गरेको नियुक्तिका सम्बन्धमा विवाद बढेको छ। त्यो विवाद सवोर्च्च अदालतमा पनि पुगेको छ। अधिकांशको ध्यान अहिले सवोर्च्चमा पुगेको छ।

३. खास गरेर मानिसहरूले अख्तियार दुरूपयोग अनुन्धान आयोगका प्रमुखको नियुक्तिका सम्बन्धमा आपत्ति जनाइरहेका छन्। केहीले मन्त्रिपरिषद्का अध्यक्ष खिलराज रेग्मीले सवोर्च्चको प्रधानन्यायाधीश पदबाट राजीनामा गर्नुपर्ने विषय पनि जोडतोडका साथ राखेका छन्। तर अध्यक्ष रेक्ष्मी त्यो पदबाट हट्ने अवस्थामा छैनन्।

४. निर्वाचनको मिति समयमै घोषणा नगरिएबाट पनि असमझदारी बनेको छ। केही नेताहरूले कुरा फेर्ने गरेकाले पनि समस्या देखिएको छ। नेताहरू आफ्नो अडानमा टिक्क नसक्ने र बाह्य दबाबसमक्ष घुँडा टेक्ने गरिएबाट राष्ट्र र राष्ट्रियता तथा विदेशी चलखेलको कुरा ओपन सिक्रेटको रूपमा आएको छ।

५. नेताहरूलाई सत्ता प्यारो छ। सत्ता चाहिएको छ। जुनसुकै मूल्य चुकाएर पनि सत्तामा पुग्नु उनीहरूको एक मात्र अभीष्ट हो। त्यसका लागि उनीहरूले सिद्धान्त, आदर्श आदि केही नभन्ने भएका छन्। अरुले त्यस्तो गठबन्धन गरेमा अपवित्र भनेर भन्छन् भने आफूले गरेमा चाहीँ पवित्र हुने गरेको छ। यस्तो दोहोरो मापदण्डले सिद्धान्त आदर्शको अवमूल्यन नै भएको छ।

६. नेताहरू जनभावना अनुसार कार्य गर्न सकिरहेका छैनन्। जनता आफै हैरान छन्। उनीहरूले संविधान बनाउन सकेनन्। संविधानसभाको चुनाव गर्न सकेनन्। निर्विवाद भएको राष्ट्रपतिको पदलाई विवादास्पद बनाए। जसको कारण गणतन्त्र दिवस छुट्टाछुट्टै मनाउनुपर्ने अवस्थाको सिर्जना भएको छ।

७. यो कदापि उचित होइन। हामीले अझै धैर्यधारण गर्न सक्नुपर्दछ। मैत्री र भाइचाराको भावना ल्याउनुपरेको छ। सामाजिक सद्भाव कायम गर्नुपर्दछ। तातो रिसमा निर्णय गर्नुहुँदैन। ठण्डा दिमागले सोच्नुपर्दछ र भोलि कुनै व्रि्रह उत्पन्न नहुने काम गर्नुपर्दछ। यो पटक जे भए पनि अरु काममा हामीले गम्भीर भएर सोच्नुपर्दछ र एउटै मञ्चको उपयोग गर्नुपर्दछ।