हामी कहाँ विकृति र विसंगति छिटो आउँछ । सुरुमा हाम्रा समाजका अगुवाहरुले त्यसलाई टुलुटुलु हेरिरहेका हुन्छन् । त्यसलाई हटाउने प्रयास गर्दैनन्, पछि जब त्यसले झांगिने मौका पाउँछ, त्यसले बिगार्न थाल्छ, तब त्यसबारे चर्चा हुन थाल्छ र त्यसलाई हटाउन पर्‍यो भन्ने आवाज आउँछ । त्यसबेलासम्म धेरै ढिलो भएको हुन्छ । ढिलो भएपछि त्यसलाई त्यत्ति सजिलै हटाउन सकिँदैन । हाम्रो धेरै क्षेत्रमा यस्तै भएको छ । अहिले चुनाव सम्बन्धमा यस्तो हुँदै छ । हाम्रो चुनाव प्रणाली धेरै महँगो भएको र चुनावमा विकृति आएको सम्बन्धमा धेरैले चिन्ता व्यक्त गरेका छन् । जो कोहीले अब चुनाव लड्न नसक्ने भयो भन्ने कुरा खुलमखुला भन्ने गरेका छन् ।

पहिले व्यक्तिगत रुपमा यस्तो आवाज आउने गरेको थियो । भने अहिले संस्थागत रुपमा नै यसको चर्चा हुन थालेको छ । एमालेको विधान महाधिवेशनमा समेत त्यो प्रश्न उठेको छ । यस महाधिवेशनको समुहगत छलफल र छलफलको समूहगत नेताले चुनाव धेरै महँगो भएको खर्चिला भएको र पैसा नहुने मान्छे चुनावदेखि डराउने र टिकट पाउँदा पन्छिनुपर्ने अवस्था आएको रिपोर्टिङ गरेका छन् । त्यसरी रिपोर्टिङ गर्नेले पार्टीले निर्वाचन प्रणालीलाई कम खर्चिलो बनाउने नीति लिनुपर्ने सुझाव दिएका छन् । सुझाव ज्यादै समसामयिक छ । खर्चिलो चुनावले गर्दा मानिसहरु चुनावबाट पन्छिन खोज्छन् भने जसले चुनाव लडेर जित्छन्, त्यसले आफ्नो चुनाव खर्च उठाउन अनेक किसिमको भ्रष्टाचार गर्न पुग्छन् । जन प्रतिनिधिहरुले जब एक पटक भ्रष्टाचार गरेर कमाउँछन् । तब उसलाई भ्रष्टाचार गर्ने बाटो खुलेको जस्तो हुन्छ । अनि तब उसलाई भ्रष्टाचार गर्ने बाटो खुलेकोजस्तो हुन्छ । अनि उनीहरु भ्रष्टाचाररुपी बाटो हिँड्न अभ्यस्त हुन्छन् । भ्रष्टाचारबाट उनीहरुले छिटो कमाउँछन् । उनीहरुको रहनसहन फरक हुँदै जान्छ र ऊ फेरिफेरि चुनाव लड्न अग्रसर हुन्छन् । किनभने उसले छिटो कमाउने बाटो देखेको हुन्छन् र त्यसैमा लोभिन थाल्छन् ।

नेताहरुलाई त्यो कुरा राम्ररी थाहा छ । थाहा छ मात्र होइन, उनीहरु आफैँ धनाढ्यहरुबाट कोरिएर रहेका छन् । नेताहरुको त्यही प्रवृक्तिले गर्दा राजनीतिमा विकृति र विसंगति फैलिएको छ । तर नेताहरुले यो कुरा महसुस गरेका छैनन् । चुनाव खर्चिलो भएको सम्बन्धमा धेरैले भन्ने गरेका छन् र पार्टीको समारोहमा समेत त्यस्तो प्रस्ताव भएपछि नेताहरुले त्यसलाई गम्भीर किसिमले लिनुपर्दछ । अब ढिलो गर्ने बेला होइन । त्यस्तै निर्वाचित हट्न सक्छ । अन्य देशहरुमा यस्तो रोग देखा परेको थियो । त्यहाँ निर्वाचित आयोगको सक्रियताले त्यो रोग हटेको थियो । त्यही कुरालाई महसुस गरेर आयोगले काम गरे भने केही हुन सक्छ । आयोगले कडाइ गर्दा कारबाहीजस्तो हुन्छ । जुन नेताहरुलाई मन नपर्न सक्छ । आयोगको कार्यवादी मन नपर्ने भएकाले भनी विचार विमर्श गरे भने केही हुन सक्छ । हामी यस दिशातिर पार्टीका नेता र कार्यकर्ताहरुको ध्यान आकर्षित गर्न चाहन्छौं ।