स्थास्थ्य तथा जनसंख्या मन्त्रालयले कोभिड–१९ विरुद्धको खोपको अतिरिक्त मात्रा खोपको अभियान स्थगित गरेकोमा मानिसहरु आश्चर्य चकित भएका छन् । सरकारले अभियानकै रुपमा लैजाने भनेर घोषणा गरेको अभियान किन रोक्नुपर्यो, त्यसको कारण पनि दिएको छैन । सर्वसाधारणसँग सम्बन्धित तथा सबैले आशा अपेक्षा राखेको अभियान रोक्नै पर्ने उचित कारण भए त्यसको कारण खुलाउनु पर्दथ्यो । पारदर्शिताको नाम लिएर कहिल्यै नथाक्ने मन्त्रीले समेत त्यसबारे केही नबोल्दा त्यसमा के रहस्य छ भन्ने संशय उत्पन्न भएको छ । रोकिएको कामबारे यसो त्यसो भनेर केही फाइदा छैन । हामी केही भन्ने पक्षमा पनि छैनौं, तर रोकिएको त्यो अभियान छिट्टै सञ्चालन गर्न भने हामी सरकारसँग आग्रह गर्दछौं ।
देशमा कोभिड–१९ विरुद्धको खोप अझ पनि आधा जनसंख्याले पनि पाएका छैनन् । सरकारले चैत महिनासम्म सबै नागरिकहरुलाई खोप लगाइसक्ने लक्ष्य लिएको छ । प्रधानमन्त्री शेरबहादुर देउवाले दैनिक ५ लाख जनालाई खोप लगाउनु पर्दछ भनेका छन्, तर मन्त्रालयले त्यो लक्ष्य प्राप्त गर्न सकेको छैन । एकताका खोप कार्यक्रम राम्ररी सञ्चालन भएको थियो । बीचमा आएर कहिले के नभएर कहिले के नपुगेर व्यवस्थित हुन सकिरहेको छैन । यसलाई व्यवस्थित किसिमले लैजानु आवश्यक छ । देशमा केही महिना यता कोभिड–१९ को महामारी कम हुँदै गएकोमा ३/४ दिन यता फेरि महामारी बढ्न थालेको छ । संक्रमण बढ्न थालेकोले सरकारले खोप लगाउने कार्यक्रमलाई सुव्यवस्थित किसिमले लैजानु आवश्यक छ ।
सरकारले कोभिड–१९ विरुद्धको खोप विभिन्न देशहरुबाट ल्याउने गरेको छ । खोपको अभाव नहोस् भनेर सरकारले यता र उताबाट ल्याउनु प्रशंसनीय कार्य हो । त्यही खोपको कारण पनि केही महिनादेखि महामारी कम हुँदै गएको हुनसक्छ, तर अहिले फेरि कोभिड–१९ को भेरियन्ट ओमिक्रोनको संक्रमण बढ्दो छ । अफ्रिकाबाट निस्केको ओमिक्रोन विश्वव्यापी भएको छ । भारतमा संक्रमण बढ्दै गएको छ । केही ठाउँमा लकडाउन गर्नुपर्ने अवस्था आएको छ । हाम्रै देशमा पनि त्यसले प्रवेश गरेको छ । यो स्थितिमा सरकारले छिट्टै व्यवस्थित किसिमले अभियानकै रुपमा खोप कार्यक्रम सञ्चालन गर्नुपर्दछ । अब त अर्काे एउटा कुरा पनि ख्याल गर्नुपर्ने अवस्था आएको छ । त्यो के हो भने सुरुमा निकालिएको खोपको आयु सकिने अवस्थामा पुगेको छ । कतिपय देशले पहिले आफ्ना नागरिकलाई चाहिन्छ भनी स्टोरमा राखेको खोपको आयु समाप्त भएको र केहीको आयु समाप्त हँुदै छ । आयु समाप्त भएको खोप हाम्रो देशमा आउन सक्छ । हाम्रो देशमा आइसकेको औषधीको पनि के कति अवधि बाँकी छ, त्यो पनि हेर्नुपर्दछ । खोप राख्ने कार्यक्रम ढिलो भएमा यहाँ राख्दाराख्दै पनि त्यसको आयु समाप्त पनि हुन सक्दछ । यो ज्यादै महत्वपूर्ण कुरा हो । यो महत्वपूर्ण कुरालाई गम्भीरतापूर्वक लिएर ३ वटै कार्यक्रम साथसाथै लैजाने व्यवस्था गर्नु पर्दछ । खोप नपाएकालाई छिटो खोप हाल्ने, एक पटक पाएकालाई त्यसको अवधिभित्रै दोस्रो मात्रा खोप दिने र दोस्रो मात्रा पाइसकेकालाई अतिरिक्त खोप दिने काम छिटो गर्नु आवश्यक छ ।
Related News
सम्बन्धित समाचार
कास्की कांग्रेसको शिखर पुरूषको अवसान
जून ओर्लेको रात र त्यसको आलोक
नयाँ बिहानी: आदर्श समाजको २९ औं वर्ष
गण्डकी प्रदेश प्रशिक्षण प्रतिष्ठानका ४ वर्ष र आगामी कार्यदिशा
राणा कालमै हलो जोत्ने क्रान्तिकारी पं. मुक्तिनाथ
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१