भगवान पशुपतिनाथलाई भारतस्थित भगवान केदारनाथको शिरो भाग मानिएकोे हो । यस्तैगरी १२ ज्योतिर्लिङ्गको दर्शन गरेपछि पशुपति नाथको दर्शन नगरेमा ज्योतिर्लिङ्गको दर्शनको फल प्राप्त नहुने बताइएको छ ।
भगवान् शिव शाश्वत एवं व्यापक हुनुहुन्छ । भगवान् शिवलाई अलौकिक, अगम्य एवं शक्तिशाली पनि भनिएको छ। भगवान्का सगुण र निर्गुण गरी २ रुप मानिन्छ । निगुण रुपमा भगवान् सर्वव्यापी र सर्वज्ञ भएर पनि उहाँ निस्कृय रुपमा चिनीन्छ। यस्तै गरी उपासनामा पनि निर्गुण उपासना र सगुण उपासना गरी २ भेद बनाइएको छ । भगवान्लाई नाम, रुप भन्दा पर तर व्यापक स्वरुपमा उपासना गर्नु निगुर्ण उपासना हो । यो उपासना कठिन मानिन्छ ।
सगुण उपासनामा भगवान्को महिमा श्रवण गर्नु भगवान्को प्रीतिको लागि किर्तन गर्नु,भगवान्को स्मरण गर्नु, पादसेवन गर्नु,भगवान्को अर्चना गर्नु, पूजा एवं वन्दना गर्नु,तथा आत्म निवदेन गर्नु प्रमुख मानिन्छ । भगवान्का भक्तहरुप्रति आदर सत्कार गर्नु, पूजाको अनुमोदन गर्नु,कथा लगाउनु एवं कथा श्रवण गर्नु, भगवान्को आश्रय लिनु र नित्य स्मरण एवं नाम जप गर्र्नु सगुण उपासनको अंग मानिन्छ । भगवान्को निरन्तर नाम स्मरण गर्नाले मनुष्यको अन्तस्करण र हदयमा एक प्रकारको आत्मशक्ति उत्पन्न हुन्छ । जसले गर्दा उसले अभिष्ट फल प्राप्त गर्दछ ।
भगवान्का अनेक नाम छन् । यसमा शिव नाम भगवान्लाई मन पर्ने नाम हो । यो दुई अक्षरी नामलाई तारक ब्रह्म पनि भनिन्छ । जसरी राम नामलाई तारक मन्त्र कहिएको छ । भनिएको छ । भगवान् भक्तवत्सल हुनुहुन्छ । भक्तको कुशल क्षेमकोे चिन्ता भगवान् गनुर््हुन्छ । त्यसैले भक्तले जाति खेर पनि भगवान्को नाम जप र स्मरण गर्नुपर्छ । पद्मपुराणमा नाम स्मरण गर्नका लागि शुचिनीचिकोे आवश्यक पर्दैन भनिएको छ । आशौच परेको बेला पनि नाम स्मरण गर्न सकिन्छ । नाम स्मरण गर्नाले शत्रुको भय बन्धनबाट छुटकारा पाई मोक्ष प्राप्त गर्न सकिन्छ । भगवानलाई बेलपत्र र गाईको दूध शिवलिङगमा चढाउनाले भगवान अति खुशी हुने बताइएको छ । शिवरात्रिमा गाईको दूध र बेलपत्र चढाउनाले अंसख्य फल प्राप्त हुन्छ ।
ओमको ध्वनि भगवानको मुखबाट प्रस्फुटित भएको थियो । यसकारण ओंकार भगवानको आत्मा मानिन्छ । ओमको मंत्र जप्नाले शिव स्वरुपको प्राप्ति हुने बताईएको छ । त्यसैले मंत्रमा ओम लगाउन आवश्यक पर्छ । सो जपबाट आत्म स्वरुपको प्राप्ति हुन्छ र,सारा विघ्न नास हुन्छ । यस्तैगरी सम्पूर्ण सिद्धि प्राप्त हुन्छ । भगवान लाई अचिन्त्य एवं अलौकिक मानिन्छ । भगवानलाई हाम्रा इन्द्रियले पहिचान गर्न सक्दैन,व्यवहारमा ल्याउन सकिँदैन । वाणि बाट व्यत्तः गर्न सकिँदैन र सर्वव्यापी हुनुहुन्छ ।
भगवान शिवलाई जगत्गुरु तथा आदिगुरु पनि मानिन्छ । सम्पूर्ण विधाको उत्पत्ति उहाँबाट नै भएको मानिन्छ । तन्त्र मन्त्र एवम् यन्त्रको उत्पत्ति पनि उहाँबाट नै भएको थियो । योगका आदिगुरु भगवान शिव नै हुनुहुन्छ । आशुतोष भगवान शिव साधकलाई दिव्य शक्ति प्रदान गर्नुहुन्छ जसबाट अविद्याको नाश हुन्छ । शास्त्रमा बताइए अनुसार गुरु विना ज्ञान हुँदैन र इष्टदेवको दर्शन पनि हँुदैन । त्यसैले इष्टदेवको आशिर्वाद प्राप्त गर्नका लागि पनि भगवान शिवको अनुकम्पा आवश्यक छ । भगवान शिवको कृपा विना शास्त्र, कला, विधा तथा ज्ञान विज्ञानको क्षेत्रमा प्रवेश गर्न सकिँदैन । भगवान शिव एक निर्विकार,नित्य विज्ञान आनन्दघन परब्रह्म परमात्मा हुनुहुन्छ ।
भगवान शिव देवका पनि देव भएकाले महादेव मानिनुहुन्छ । सृष्टि हुनुपूर्व पनि शिवको अस्तित्व थियो भने यस ब्रह्माण्डको प्रलय पश्चात पनि शिवको अस्तित्व कुनै न कुनै रुपमा रहिरहन्छ । त्यही शक्तिबाट पुनःब्रह्माण्डको सृष्टि हुन जान्छ । भगवान शिवको उपासकले भगवानलाई शिव लिङगको रुपमा पूजा गर्दछन् । भगवानको स्थूल मूर्तिलाई शिव लिङ्ग भनिन्छ । वास्तवमा यो ब्रह्माण्ड नै शिवलिंग हो । शिवलिङ्गको उत्पत्ति भएको रातलाई नै शिवरात्रि भनिन्छ ।
भगवान ब्रह्मा र विष्णुका बीचमा श्रेष्ठताको विषयलाई लिई विवाद बढेपछि सत्यनिरुपण गर्न भगवान शिवबाट शिवलिङगको उत्पत्ति भएको थियो । जसले त्यस लिङ्गको आदि र अन्त्य पत्ता लगाउन सक्छ । उनै श्रेष्ठ मानिन्छ भनिएको थियो । तर, दुवैले आदि र अन्त्य पत्ता लगाउन सकेनन् । त्यसकारण शिव लिङ्ग अनन्त छ ।
योग साधनाबाट भगवानलाई खुशी बनाउन सकिन्छ । यस जगतमा योगको प्रचार गर्न भगवानले गोरखनाथ आदिशंकराचार्य, महावतार बाबाजी, उपमन्यु आदि विभिन्न रुपमा अवतार लिनु भएको बताइएको छ । भगवान शिवको उपासना गर्ने विभिन्न पर्वहरु मध्ये शिवरात्रि सबैभन्दा महत्वपूर्ण पर्व हो । यस रात्रिमा जाग्राम रही जप,पाठ, कीतर्न,ध्यान स्तुति गर्न सके मनोकामना पूरा हुन्छ भनिएको छ । नेपालमा भगवान पशुपतिनाथ स्वयं प्रतिष्ठित हुनु भएकोले शिवरात्रिको उक्त महत्व बढन गएको हो ।
भगवान शिवलाई पशुपति पनि भनिन्छ । सम्पूर्ण प्राणीलाई पशु मानिन्छ भने, पशुका मालिक भएकाले पशुपति भनिएको हो । भगवान पशुपति नेपालका राष्ट्रदेवता हुनुहुन्छ । भगवान पशुपतिनाथको कृपाले नै नेपालमा अनिष्ट हुन पाएको छैन । भगवान पशुपतिनाथलाई भारतस्थित भगवान केदारनाथको शिरो भाग मानिएकोे हो । यस्तैगरी १२ ज्योतिर्लिङ्गको दर्शन गरेपछि पशुपति नाथको दर्शन नगरेमा ज्योतिर्लिङ्गको दर्शनको फल प्राप्त नहुने बताइएको छ । भगवान आशुतोष हुनुहुन्छ । शिव छिटो खुशी हुने भएकाले आशुतोष भनिएको हो । भगवानलाई विधि विधान भन्दा पनि भक्ति प्यारो लाग्छ । व्याधाले मृगको शिकार गर्न चलाएको वाणले बेलपत्रमा लागि सो बेलपत्र शिवलिङ्गमा पर्दा भगवान शिव खुशी भई वरदान दिएको प्रसंग शास्त्रमा वर्णन छ ।
भगवान शिवको स्थूल मूर्तिमा भन्दा शिवलिङ्गमा आराधना गर्ने बढी प्रचलन छ । शिवलिङ्ग बुद्धि र ज्ञानको प्रतीक हो । शिवलिङग वालुवाबाट, प्रस्तरबाट, धातुबाट र रसबाट बनाईन्छ । शिवलिङगमा नर्मदेश्वर शिवलिङग र पारद रसलिङ्गको बढी मह्त्वका मानिन्छन् । तर यो भन्दा बढीे महत्व आस्था र भक्तिको हो । भगवान शिवको पूजामा लिङ्ग भेद पनि छैन र जाति भेद पनि छैन । भगवानको उपासना जस्ले पनि गर्न सक्छ ।
भगवान शिवलाई रुद्राक्ष मनपर्छ । भगवान रुद्रको आँसुबाट बनेको हँुदा रुद्राक्ष भनिएको हो । १ मुखे रुद्राक्ष स्वयं शिवस्वरुप मानिन्छ भने जोडिएको रुद्राक्षलाई अर्धनारीश्वर मानिन्छ । रुद्राक्ष १४ मुखेसम्म पाइन्छ । शिव उपासकले रुद्राक्षमाला धारणा गर्छन् भने रुद्राक्षको मालाले जप गर्छन् ।
भगवान शिवलाई बेलपत्र मनपर्छ । त्यसैले शिवरात्रिमा वा अन्य कुनै पनि कार्यमा गाईको दूध र बेलपत्र चढाउन सके उत्तम मानिन्छ । बेलपत्रमा ३ वटा पत्रहरु हुन्छन् । यी पातहरुलाई ब्रह्मा विष्णु र शिवको स्वरुप पनि मानिन्छ ।
भगवान शिवबारे असङख्य मन्त्रहरु छन् । ती मन्त्रहरुमा ओम् नमःशिवाय को पंचाक्षरीमन्त्र उहाँलाई छिटो खुशी पार्ने मन्त्र हो । त्यस्तै गरी महामृत्युञ्जय मन्त्र पनि लाभदायक मन्त्र हो । भगवान शिवलाई खुशी पार्ने उपासनामा योग प्रमुख उपासना हो । त्यसैले शिव उपासकहरु प्रायः योगी हुन्छन् । विभिन्न प्रकारका योग साधनाबाट भगवानलाई खुशी बनाउन सकिन्छ । यस जगतमा योगको प्रचार गर्न भगवानले गोरखनाथ आदिशंकराचार्य, महावतार बाबाजी, उपमन्यु आदि विभिन्न रुपमा अवतार लिनु भएको बताइएको छ । भगवान शिवको उपासना गर्ने विभिन्न पर्वहरु मध्ये शिवरात्रि सबैभन्दा महत्वपूर्ण पर्व हो । यस रात्रिमा जाग्राम रही जप,पाठ, कीतर्न,ध्यान स्तुति गर्न सके मनोकामना पूरा हुन्छ भनिएको छ । नेपालमा भगवान पशुपतिनाथ स्वयं प्रतिष्ठित हुनु भएकोले शिवरात्रिको उक्त महत्व बढन गएको हो ।
Related News
सम्बन्धित समाचार
कास्की कांग्रेसको शिखर पुरूषको अवसान
जून ओर्लेको रात र त्यसको आलोक
नयाँ बिहानी: आदर्श समाजको २९ औं वर्ष
गण्डकी प्रदेश प्रशिक्षण प्रतिष्ठानका ४ वर्ष र आगामी कार्यदिशा
राणा कालमै हलो जोत्ने क्रान्तिकारी पं. मुक्तिनाथ
hero news full width
मुख्य समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१