कोरोना [कोभिड-१९] ताजा अपडेट
यहाँ क्लिक गर्नुहोस्

नेपालगञ्ज विमानस्थलमा जहाज दुर्घटना

Avatar आदर्श समाज सम्वाददाता
चैत्र १५, २०७६

पोखरा, १५ चैत । नेपाल एयरलाइन्सको विमान नेपालगञ्ज विमानस्थलमा दुर्घटनमा परेको छ । काठमाडौंबाट कोरोना भाइरसको सम्भावित संक्रमितको नमुना लिन गएको वाइ १२ जहाज अवतरणका क्रममा समस्या आएर रनवे नजिकै चिप्लिएर घाँसे मैदानमा पुगेको सम्बद्ध कर्मचारीले जानकारी दिएका छन् ।

नेपाल एयरलाइन्सका अपरेसन विभाग प्रमुख दिपु ज्वार्चनका अनुसार ‘ल्यान्ड गर्दा धावनमार्ग भन्दा अलिकति अगाडि गयो, तर, जहाज रोकिइसकेका कारण कुनै दुर्घटना भएन’ । घटनामा मानवीय क्षति भएको छैन, विमानमा सामान्य क्षति भएको छ ।अब नेपालगञ्जमा कोरोना भाइरसको सम्भावित संक्रमितको नमुना लिन अर्को विमान जाने अनलाइनखवर डटकमले समाचार पोष्ट गरेको छ ।

‘हामी १ बजेतिर काठमाडौंबाट ट्वीनअर्टर जहाज पठाउदैछौं, त्यो जहाजले दुई डाक्टर, क्याबिन क्रु लिएर आउँछ, नमुना पनि ल्याउँछ, के भएर दुर्घटना भयो भन्ने बरे छानबिन गर्छौ’ ज्वार्चनले भने ।नेपाल नागरिक उड्डयन प्राधिकरणकचा महानिर्देशक राजन पोखरेलले उक्त विमान प्राविधिक टोलीले मर्मत गरेपछि मात्र उड्ने बताए ।