म्याग्दी।म्याग्दीका एकजना जनप्रतिनिधिले व्यक्तिगत लगानीमा दुर्गम गाउँमा सडक विस्तार गरिदिएका छन् । रघुगंगा गाउँपालिकाका अध्यक्ष भवबहादुर भण्डारीले व्यक्तिगत लगानीमा गाउँपालिका–१, बेगखोलाको चेन्डाँडा, सीमफाँट, भौसरा र चुतर्नीमा सडक विस्तार गरिदिएका हुन् । स्थानीयवासीको आवश्यकता र आग्रहमा सडक निर्माण गरिदिएपछि गाउँपालिकाका अध्यक्ष भण्डारीलाई गाउँलेले बाजागाजा सहित एक कार्यक्रमबीच सम्मान गरेका छन् ।
साथै सोही अवसरमा गाउँपालिका अध्यक्ष भण्डारी र प्रमुख प्रशासकीय अधिकृत दीपक रेग्मीले सडकको उद्घाटन गरे । गाउँको चेन्डाँडाबाट विस्तार गरिएको मोटरबाटो सिद्धनाथ, तल्लो लिला हुँदै चुतर्नी जोडिएको स्थानीय खिम फगामीले बताए । ‘भविष्यमा मर्मतको प्रतिबद्धता समेत ब्यक्त गर्नुभएको छ, घर–घरमा सडक पुग्ने छ’ फगामीले भने ‘सडक विस्तारसँगै बेगखोला रिङरोडमा परिणत भएको छ ।’ बेगखोलाका विभिन्न बस्तीबाट छिमेकी भगवती, बेगखोला हुँदै बेनी र पोखरेबगरतर्फ जाने सहज भएको छ भने एक बस्तीबाट अर्को बस्तीमा आवतजावत गर्न मिल्ने स्थानीयको भनाइ छ ।
गाउँपालिकाका अध्यक्ष भण्डारीले ५ लाख ९ हजार रुपैयाँको लगानीमा ३ किलोमिटर बढी सडक विस्तार गरिदिएको गाउँपालिकाका प्रमुख प्रशासकीय अधिकृत रेग्मीले जानकारी दिए । उनका अनुसार साविकको बेगखोला गाविसको वडा ३, सीमफाटमा ६० घरधुरी, भौसरा र चुतर्नीका ४० घरधुरी लाभान्वित भएका छन् । सडक विस्तारको क्रममा महादेव मावि नजिकबाट निकासामा समस्या भएपछि गाउँखोलाको नजिक महादेव मावि जाने मोटरबाटो पसारे हुँदै भौसरा र चुतर्नी ओखलेमा टुंगिएको छ ।
सिमदेखि भौसरासम्मको सडक विस्तार गर्ने प्रतिबद्धता पूरा गरेसँगै मर्मतसम्भारमा समेत स्थानीयलाई सघाउने अध्यक्ष भण्डारीले बताए ।‘ मैले प्रतिबद्धता जनाएअनुसार काम गरेको छु, ‘जनताको आवश्यकता अनुसारका पूर्वाधारमा सघाउँछु’ भण्डारीले भने । उनले जनतालाई गाउँपालिकाबाट आवश्यकतासँगै ब्यक्तिगत रुपमा समेत बोलेका प्रतिबद्धता पूरा गर्ने अध्यक्ष भण्डारीको भनाइ थियो । विकास निर्माणका योजना तीव्र पार्दै उनले गाउँपालिकाभित्र संचालित योजनाहरु लक्ष्य अनुसार समयमै सम्पन्न गर्न अनुरोध गरे । जनप्रतिनिधिको रुपमा राज्यबाट सेवासुविधा र भत्ता समेत नलिने घोषणा गरेका अध्यक्ष भण्डारीले यसअघि आफ्नो प्रतिबद्धता अनुसार गाउँपालिका अध्यक्ष भण्डारीले रघुगंगा गाउँपालिका–६, पाखापानीमा ४ लाख लगानीमा पाखापानीको फूलडाँडा–औल गाउँ जोड्ने सडक विस्तार गरिदिएका थिए । सडक विस्तारसँगै ६० घरधुरी लाभान्वित भएका छन् ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१