साधन राम्जाली -म्याग्दी ,१९ माघ । पछिल्लो समय नयाँ प्रविधि आविस्कारसंगै लोप हुँदै गएको नौमती बाजा संरक्षणमा यहाँको एक गाउँपालिका जुटेको छ ।
जिल्लाको धवलागिरि गाउँपालिकाले नौमती बाजा केन्द्रको भवन निर्माण गरी संरक्षणमा जुटेको हो । पुराना बाद्यवादन सामाग्री,मौलिक कला,संस्कृतिको संरक्षण गर्न नौमती बाजा केन्द्रको भवन निर्माण गरिएको गाउँपालिकाले जनाएको छ ।
पछिल्लो समय डिजिटल प्रविधिका कारण लोप हुँदै गएको परम्परागत बाद्यवादन,मौलिक नौमती बाजा संरक्षण र परम्परागत रुपमा नौमती बाजालाई मुख्य आयोस्रोत बनाउँदै आएका दलित समुदायको पेशालाई प्रवद्र्धन गर्ने उद्देश्यले केन्द्रको स्थापना गरिएको गाउँपालिकाका उपाध्यक्ष रेशम छन्त्यालले बताए । गाउँपालिका–७ हिलापोखरीमा सो नौमतीबाजा केन्द्रको भवन निर्माण गरी स्थापना गरिएको छ ।
हिलापोखरी नौमती बाजा समुह जिल्लामा प्रसिद्ध छ । विवाह ,ब्रतबन्ध ,छेवार पास्नी लगायत हरेक सामाजिक कार्यमा नौमती बाजा समूहको उपस्थिति देख्न सकिन्छ । गाउँपालिकाको आर्थिक र स्थानीयको श्रम तथा नगद सहयोगमा सभाहल सहितको एक कोठे भवन निर्माण गरिएको छ । भवन निर्माणमा छ लाख ५३ हजार ३१२ रुपैयाँ लगानी भएको केन्द्रका कोषाध्यक्ष मनदेवी दमाईले बताइन् । गाउँपालिकाले ३ लाख ८४ हजार रुपैयाँ सहयोग गरेको थियो । स्थानीयबासीले ७६ हजार २ सय र दाताहरुबाट १ लाख पचास हजार रुपैयाँ चन्दा जुटाउनुका साथै ४३ हजार ११२ रुपैयाँ बराबरको श्रमदान गरेका छन् । दलित बाहुल्यता रहेको सो हिलापोखरी बासीले नौमती बाजालाई पेशाको रुपमा अंगाल्दै आएका छन् ।
भवन निर्माणका लागि केन्द्रका अध्यक्ष कुलप्रसाद दमाईले ३ लाख रुपैयाँ पर्ने जग्गा ५० हजार रुपैयाँमा उपलब्ध गराएका थिए । भवनमा बाजा भण्डारण र संग्रह गरिने केन्द्रको योजना छ । केन्द्रमा ३६ घरधुरी आवद्ध छन् । केन्द्रको भवन निर्माणसंगै नौमती बाजाको संरक्षण र प्रवद्धनमा सहयोग पुग्ने स्थानीयको विश्वास छ । ‘नौमती बाजा परम्परागत मौलिक कला ,संस्कृति मात्र नभई बाउबाजेदेखी अंगाल्दै आएको हाम्रो मुख्य पेशा पनि हो । तर, पछिल्लो समय नयाँ प्रविधिका कारण परम्परागत नौमती बाजा र हाम्रो पेशा भने संकटमा छ,’अध्यक्ष दमाइले भने’ ‘नौमती बाजा केन्द्र स्थापनाले मौलिक कला संस्कृति संरक्षण तथा प्रवद्र्धन राहत पुग्ने विश्वास लिएको छु ।’
पुराना बाजाहरु संग्रह गरेर राख्ने तयारी भएको छ । तालिम, बैठक, भेला सञ्चालन गर्न पनि भवन भएपछि सजिलो हुने बताइएको छ । वडा अध्यक्ष कलानिधि शर्माले भवन निर्माण संगै पुराना बाजा संरक्षण र प्रवद्र्धनमा सहयोग पुग्ने बताए ।नवनिर्मित हिलापोखरी नौमती बाजा केन्द्रको भवन उद्घाटन गर्दै गाउँपालिकाका उपाध्यक्ष रेशम छन्त्याल ।
Related News
सम्बन्धित समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
hero news full width
मुख्य समाचार
इलाम २ मा सुवासपुत्र सुहाङ नेम्बाङ विजयी
मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१