पोखरा । पोखरामा प्रधान कार्यालय रहेको प्राडा सूर्यमणि अधिकारी स्मृति प्रतिष्ठानको प्रथम अधिवेशन एवम् साधारणसभा सम्पन्न भएको छ ।
चितवनमा भएको कार्यक्रममा प्रमुख अतिथि पूर्व शिक्षा राज्यमन्त्री शेषनाथ अधिकारीले ‘प्रतिष्ठान राजनीति, धर्र्म र साम्प्रदायिक स्वार्थभन्दा माथि उठेर प्राज्ञिक कर्ममा लाग्न आग्रह गरे ।’ उनले प्राडा सूर्यमणि चितवनका मात्रै नभएर देशकै ख्यातिप्राप्त व्यक्तित्व भएको जनाए । प्रतिष्ठानका सल्लाहकार प्राडा दिलबहादुर क्षेत्रीले अधिकारीको ‘खस राज्यको इतिहास’ कृत्रिले अन्यमा राखेको खस जातिलाई मूलप्रवाहमा ल्याएको बताए । क्षेत्रीले कसैको पहिचान खोसेर अर्कैलाई पहिचानको टोपी लगाइदिने संस्कारको आलोचना गरे ।
कार्यक्रममा त्रिविका पूर्व रजिष्टार प्राडा भीमराज अधिकारी, केदारनाथ खनाल, रामबाबु घिमिरे, जगदीश्वर खनाल, टेकनारायण भुसाल र गोविन्द सापकोटाले शुभकामना मन्तव्य राखेको थिए । प्रतिष्ठानका कोषाध्यक्ष डा. बाबुराम अधिकारी र सचिव महेशप्रसाद अधिकारीले प्रस्तुत गरेको आर्थिक र प्रगति प्रतिवेदन साधारण सभाले पास गरेको छ । अधिवेशनले प्रतिष्ठान अध्यक्षमा इन्दिरा अधिकारी कोइरालालाई पुनः चयन गरेको छ । उपाध्यक्षमा प्राडा देवीप्रसाद कँडेल, सचिव सहप्राध्यापक महेश अधिकारी र कोषाध्यक्ष डा बाबुराम अधिकारी छन् । सदस्यमा डा ईश्वरीराज लौडारी, उपप्राध्यापक वेदनिधि अर्याल, सुरेश रानाभाट, शंकर खराल र डा उत्सव अधिकारी चयन भए । संरक्षकमा कपिलनाथ कोइराला छन् ।
यसैबीच, प्रतिष्ठानको चितवन शाखामा डा ईश्वरीराज लौडारीको अध्यक्षतामा ११ सदस्यीय कार्यसमिति चयन भएको छ । उपाध्यक्षमा दिलबहादुर बोगटी, सचिव, राजेन्द्र पौडेल, कोषाध्यक्ष प्रभा अधिकारी अर्याल, सदस्यमा रामबाबु घिमिरे, मणिराम शर्मा, चन्द्रकान्त पौडेल, प्रमोद सेढाई, गाविन्द अधिकारी र सुरेन्द्र धिताल छन् । सल्लाहकार समितिमा केदारनाथ खनाल, रमेशबाबु ढकाल, चण्डिकाप्रसाद अधिकारी, टेकनारायण भुसाल र तिलकराज पौडेल छन् ।
त्रिविमा ३० वर्ष प्राध्यापन गरेका स्व. अधिकारीका इतिहास, दर्शन, साहित्य, भाषाविज्ञान र राजनीतिक विषयका १८ वटा पुस्तक प्रकाशन छन् भने १ सय २० भन्दा बढी अनुसन्धानमुलक लेख विभिन्न जर्नलहरूमा छापिएका छन् । प्रतिष्ठानले उनको नाममा स्थापित पुरस्कारबाट नेपाल प्रज्ञाप्रतिष्ठानका उपकुलपति प्राज्ञ जगमान गुरुङलाई यसै वर्ष ५० हजार राशी र ताम्रपत्रले सम्मान गरिसकेको छ । २००५ सालमा तनहुँको मिर्लुङ बाहुनपोखरामा जन्मिएका अधिकारी पोखरा महानगरपालिकाको पहिलो पक्की घर बनाउने प्राविधिक र चितवनमै पहिलो विद्यावारिधि गर्ने व्यक्ति हुन् । उनका तीन छोराबुहारी अमेरिकामा रहे पनि छोरी इन्दिरा कोइरालाले आफ्ना पिताका नाममा प्रतिष्ठान स्थापना गरेर उनका योगदान चिरस्थायी बनाउने प्रयासमा छिन् ।
..
Related News
सम्बन्धित समाचार
हेमजा साहित्य प्रतिष्ठानमा चूडामणि खनालको स्मरण
अक्षरयात्राको २१० औं शृंखला खास्टेतालमा
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
छन्द बचाऊँ वाचनकला पुरस्कारबाट त्रिपाठी सम्मानित
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१